تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مساحة شكل سداسي منتظم بمعلومية طول ضلعه

أحمد لطفي

أوجد مساحة الشكل السداسي المنتظم الذي طول ضلعه ٣٥سم لأقرب رقمين عشريين.

٠١:٣٥

‏نسخة الفيديو النصية

أوجد مساحة الشكل السداسي المنتظم، الذي طول ضلعه خمسة وتلاتين سنتيمتر، لأقرب رقمين عشريين.

في البداية، القانون المستخدَم لحساب مساحة أيّ مضلع منتظم، لو هنرمز لعدد أضلاعه بالرمز ن، وهنرمز لطول ضلعه بالرمز س. فهتكون بتساوي واحد على أربعة في الـ ن في س تربيع في ظتا، 𝜋 على ن. وبالتالي لو عايزين نوجد مساحة الشكل السداسي المنتظم، اللي طول ضلعه خمسة وتلاتين سنتيمتر، هيساوي واحد على أربعة مضروبة في … ن هو عدد أضلاع الشكل. وبما إن الشكل هو شكل سداسي، فعدد أضلاعه ستة، هنعوّض عنهم بستة. في …س هو طول ضلع الشكل. وبما إن معطى إن طول ضلع الشكل السداسي المنتظم خمسة وتلاتين سنتيمتر، يبقى هنعوّض عن س بخمسة وتلاتين. فعندنا خمسة وتلاتين تربيع في ظتا، 𝜋 على … ن بنعوّض عنها بستة.

يعني مساحة الشكل السداسي المنتظم هتساوي واحد على أربعة، في ستة في خمسة وتلاتين تربيع في ظتا، 𝜋 على ستة. يعني مساحة الشكل السداسي المنتظم تقريبًا تساوي تلات آلاف مية اتنين وتمانين وأربعة وستين من مية سنتيمتر مربع. يبقى كده قدرنا نوجد مساحة الشكل السداسي المنتظم، اللي طول ضلعه خمسة وتلاتين سنتيمتر.