فيديو: إيجاد مساحة دائرة

باعتبار 𝜋 = ٣٫١٤، أوجد مساحة الدائرة.

٠١:١٤

‏نسخة الفيديو النصية

باعتبار 𝜋 تساوي تلاتة وأربعتاشر من مية، أوجد مساحة الدائرة.

عاوزين نوجد مساحة الدائرة اللي قدامنا دي، واللي طول نص قطرها اتناشر سنتيمتر. طيب هي مساحة الدائرة بتساوي إيه، أو القانون بتاعها إيه هو؟ مساحة الدائرة تساوي 𝜋 في نق تربيع. نق اللي هو نص القطر. وَ 𝜋 هو مدّيهالنا بتلاتة وأربعتاشر من مية.

فنبدأ نعوّض. نحط يساوي تحت يساوي. والـ 𝜋 هنشيلها ونحطّ مكانها تلاتة وأربعتاشر من مية. بعدين نضرب في نق تربيع. إحنا قلنا نق بكام؟ باتناشر من الرسم أهُو، يبقى اتناشر الكل تربيع. يعني تلاتة وأربعتاشر من مية في مية أربعة وأربعين اللي هو مفكوك الاتناشر تربيع.

وبعد ما نضرب تلاتة وأربعتاشر من مية، في مية أربعة وأربعين، هتساوي ربعمية اتنين وخمسين وستاشر من مية سنتيمتر مربع. وما ننساش التمييز. يبقى الإجابة عندنا هي: ربعمية اتنين وخمسين وستاشر من مية سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.