فيديو: إيجاد معادلة الخط المستقيم الذي يمر بنقطة ويوازي مستقيمًا آخَر

اكتب، في صورة ﺹ = ﻡﺱ + ﺟ، معادلة المستقيم الذي يمر بالنقطة (−١، −١)، الذي يوازي المستقيم −٦ﺱ − ﺹ + ٤ = ٠.

٠٤:٣٠

‏نسخة الفيديو النصية

اكتب في صورة: ص تساوي م س زائد ج، معادلة المستقيم الذي يمرّ بالنقطة سالب واحد وسالب واحد، الذي يوازي المستقيم سالب ستة س ناقص ص زائد أربعة تساوي صفر.

أول حاجة هنبدأ بإننا نكتب معادلة المستقيم المذكور في السؤال. اللي إحنا شايفينها دي. في صورة: ص تساوي م س زائد ج. وده عن طريق عزل المتغير ص في طرف.

يبقى بنكتب كده معادلة الخط المستقيم، سالب ستة س ناقص ص زائد أربعة تساوي صفر. هنعزل المتغير ص كالتالي: هنجمع ستة س ناقص أربعة على الطرفين. وبالتالي بنلاقي إن سالب ص هتساوي ستة س ناقص أربعة يبقى شكل المعادلة الجديد. بعد كده هيتم ضرب الطرفين في سالب واحد. يبقى سالب واحد في سالب ص هيساوي سالب واحد في، ستة س ناقص أربعة. بعد كده سالب واحد في سالب ص بـ ص. هتساوي … بنوزّع السالب واحد على الطرح. يبقى سالب ستة س زائد أربعة. وبكده يبقى قدرنا نكتب المعادلة المذكورة في السؤال، معادلة الخط المستقيم، في صورة: ص تساوي م س زائد ج.

لو افترضنا إن المستقيم ده عبارة عن ل واحد، وبالتالي يبقى م واحد عبارة عن ميل هذا المستقيم، هو عبارة عن معامل س، يبقى قيمته بتساوي سالب ستة. وهنفترض إن المستقيم المطلوب إيجاد معادلته هو عبارة عن ل اتنين. ومعادلته هتكون عبارة عن ص تساوي م اتنين س زائد ج اتنين.

وبما إن ل واحد يوازي ل اتنين، فبنلاقي إن م اتنين يعني ميل المستقيم التاني، بيساوي م واحد ميل المستقيم الأول، بيساوي سالب ستة. يبقى معادلة المستقيم ل اتنين هتكون عبارة عن سالب ستة س زائد ج اتنين، بالتعويض عن م اتنين تساوي سالب ستة.

بعد كده بنلاقي عندنا معلومة أخرى؛ إن هذا المستقيم بيمر بالنقطة سالب واحد وسالب واحد، المستقيم ل اتنين يعني. وبالتالي النقطة دي بتحقّق معادلة هذا المستقيم. فبنعوّض بالنقطة سالب واحد وسالب واحد، في المعادلة. فبنلاقي عندنا شكل المعادلة بيكون كالتالي: سالب واحد تساوي سالب ستة في سالب واحد زائد ج. عوّضنا عن ص بسالب واحد، وَ س بسالب واحد. بنكمّل، ويبقى سالب واحد هتساوي … سالب ستة في سالب واحد بستة، زائد ج اتنين.

بعد كده هنعزل ج في طرف لإيجاد قيمتها. وده هيتم عن طريق طرح ستة من الطرفين. وبكده يبقى ج اتنين قيمتها هتساوي سالب سبعة. يبقى معادلة المستقيم المطلوب هتكون عبارة عن ص هتساوي سالب ستة س ناقص سبعة.

وبكده يبقى باستخدام النقطة اللي بيمُرّ بيها المستقيم ل اتنين. وباستخدام المعلومة إنه بيوازي المستقيم المذكور في السؤال ل واحد. قدرنا نحدد معادلة هذا المستقيم. وكتبناها في صورة: ص تساوي م س زائد ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.