تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد الزاوية المركزية بالقياس الدائري ومحيط القطاع باستخدام مساحة القطاع

سوزان فائق

مساحة قطاع دائري تساوي ٨/٥ من مساحة دائرته، ونصف القطر ٢٧ سم. أوجد الزاوية المركزية بالراديان لأقرب رقمين عشريين، ومحيط القطاع الدائري لأقرب سنتيميتر.

٠٢:٠٤

‏نسخة الفيديو النصية

مساحة قطاع دائري تساوي خمسة على تمنية من مساحة دائرته، ونصف القطر سبعة وعشرين سنتيمتر. أوجد الزاوية المركزية بالراديان لأقرب رقمين عشريين، ومحيط القطاع الدائري لأقرب سنتيميتر.

مساحة القطاع الدائري بتساوي مساحة الدائرة في، 𝜃 دائري على اتنين 𝜋. والـ 𝜃 دائري دي هي الزاوية المركزية، اللي في القطاع الدائري. يعني لو كان القطاع الدائري بالشكل ده، فالزاوية دي هي الـ 𝜃، وده القوس المقابل للزاوية المركزية، وده نصف القطر، وده نصف القطر.

مساحة القطاع الدائري إلى مساحة الدائرة معطاة بخمسة على تمنية. يبقى معنى كده لو قسمنا على مساحة الدائرة، يبقى خمسة على تمنية هتساوي 𝜃 دائري اللي هي الزاوية المركزية، على اتنين 𝜋. وبالتالي الـ 𝜃 الدائري هتساوي خمسة على تمنية، في اتنين 𝜋، اللي هي هتساوي تقريبًا تلاتة وتلاتة وتسعين من مية دائري. يبقى هي دي الزاوية المركزية للقطاع الدائري.

المطلوب التاني، عايزين نوجد محيط القطاع الدائري. هيساوي طول القوس زائد نق زائد نق. طول القوس بيساوي قياس الزاوية المركزية بالدائري، اللي هي 𝜃 الدائري، في نق. يعني هتساوي تلاتة وتلاتة وتسعين من مية للدائري، في … الـ نق اللي هو نصف قطر الدائرة بسبعة وعشرين، هيساوي مية وستة وحداشر من مية سنتيمتر.

هيبقى محيط القطاع هيساوي مية وستة وحداشر من مية زائد، اتنين في الـ نق اللي هو سبعة وعشرين سنتيمتر. هيساوي مية وستين وحداشر من مية. ولمّا هنقربها لأقرب سنتيمتر، هيساوي تقريبًا مية وستين سنتيمتر. وهو ده محيط القطاع.