تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: ترتيب المساحات

نهال عصمت

يتناول الفيديو كيفية ترتيب المساحات المختلفة للأشياء، عن طريق المقارنة بين المساحات أولًا.

٠٤:١٨

‏نسخة الفيديو النصية

ترتيب المساحات.

هنعرف إزاي نعرف نرتّب الأشكال، على حسب المساحة، عن طريق مقارنة المساحة التي يغطّيها الشكل. في البداية المساحة هي الفراغ الموجود داخل الشكل. يعني لو عندنا دايرة بالشكل ده. نقدر نقول على المساحة اللي موجودة داخل الشكل، أو الفراغ الموجود داخل الشكل، هي المساحة. أو الجزء الذي يغطّيه الشكل.

هنبدأ نجيب صفحة جديدة، ونتكلم عن ترتيب المساحات. لو عندنا مجموعة من الأشكال. وعايزين نرتّبها من حيث المساحة. هنكتب واحد على الأشكال التي تغطّي المساحة الأكبر. وهنكتب اتنين على الأشكال التي تغطّي مساحة قليلة. أمّا تلاتة، هنكتبها على الأشكال التي تغطّي المساحة الأقلّ.

عندنا تلات دواير بالشكل ده. هنلاحظ إن الدايرة الأولى تغطّي المساحة الأكبر، بالشكل ده. فبالتالي هنكتب عليها رقم واحد. بعد كده هنلاقي إن الشكل اللي في النص، أو الدايرة اللي في النص، تغطّي المساحة الأقلّ. معنى كده إن هنكتب عليها الرقم تلاتة. وبالتالي هنلاقي إن آخِر دايرة هي الشكل الذي يغطّي مساحة قليلة. وبالتالي هنكتب عليه رقم اتنين.

وبكده قدرنا نرتّب الأشكال، من حيث المساحة. بحيث إن الدايرة الأولى هي التي تغطّي المساحة الأكبر. والدايرة المكتوب عليها رقم اتنين هي التي تغطّي مساحة قليلة. أمّا الدايرة المكتوب عليها رقم تلاتة، هي الدايرة التي تغطّي المساحة الأقلّ. هنبدأ نجيب صفحة جديدة، ونشوف مثال تاني.

لو عندنا تلات مثلثات بالشكل ده. عايزين نكتب رقم واحد على الشكل الذي يغطّي المساحة الأقلّ. ونكتب رقم اتنين على الشكل الذي يغطّي مساحة كبيرة. ونكتب رقم تلاتة على الشكل الذي يغطّي المساحة الأكبر. المساحة هي الفراغ اللي موجود داخل الشكل. هنبدأ نبصّ على الفراغ اللي موجود داخل كل شكل. عشان نقدر نحدّد هل المساحة دي هي الأقلّ، ولّا كبيرة، ولّا الأكبر.

هنبصّ على أول مثلث. هنلاقي إن الفراغ اللي موجود داخل المثلث، هو أقلّ فراغ. وبالتالي الشكل ده يغطّي المساحة الأقلّ. هنكتب عليه رقم واحد. وهنلاحظ إن المثلث التاني، الفراغ اللي موجود داخل المثلث هو أكبر فراغ. وبالتالي نقدر نقول على المثلث التاني، هو الشكل الذي يغطّي المساحة الأكبر.

وبالتالي هنكتب عليه رقم تلاتة. يبقى المثلث التالت، هنلاحظ إن الفراغ اللي موجود داخل المثلث، هو يغطّي مساحة كبيرة. أكبر من الفراغ اللي موجود في المثلث الأول، وأقلّ من الفراغ اللي موجود في المثلث التالت. وبالتالي هنكتب عليه رقم اتنين. يبقى كده قدرنا نقارن بين الأشكال، على حسب المساحة. وعرفنا إزاي نرتّبهم.