فيديو: فَهْم الأسئلة الإحصائية

حدِّد هل العبارة التالية سؤال إحصائي أم لا: ما مادتك المفضلة؟

٠١:٢٩

‏نسخة الفيديو النصية

حدّد هل العبارة التالية سؤال إحصائي أم لا. ما مادتك المفضلة؟

عندنا سؤال، ومطلوب إننا نعرف إذا كان السؤال ده سؤال إحصائي أم لا. في البداية يعني إيه سؤال إحصائي؟

السؤال الإحصائي هو سؤال يمكن إجابته عن طريق جمع بيانات مختلفة. السؤال اللي عندنا: «ما مادتك المفضلة؟». هو سؤال إجابته هتكون ذِكْر اسم المادة المفضلة؛ يعني: رياضيات، أو فيزياء، أو أيّ مادة أخرى مفضلة. يعني هيكون ليه إجابة واحدة مميزة. وبكده مش هنحتاج إلى جمع بيانات مختلفة عشان نقدر نجاوب على السؤال ده. يعني السؤال ده ليس سؤالًا إحصائيًّا.

أمّا لو كان … أمّا لو كان: «ما هي المادة المفضلة لدى طلاب الفصل السادس؟» في الحالة دي هيكون سؤال إحصائي. لأني هحتاج أسأل الأشخاص اللي في الفصل السادس إيه هي المواد المفضلة، وبعد كده أقدر أجاوب على السؤال.

وبكده لأن سؤالنا ده «ما مادتك المفضلة؟» ليه إجابة واحدة مميزة هتكون هي المادة المفضلة، فهو ليس سؤالًا إحصائيًّا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.