نسخة الفيديو النصية
أوجد معادلة الخطّ الموازي لمحور السينات الذي يمرّ بالنقطة سالب واحد على اتنين، وأربعة.
معادلة محور السينات هي ص بتساوي صفر. وبما إن الخطّ المطلوب معادلته موازي لمحور السينات؛ فبالتالي هيبقى ميلهم متساوي. وبمقارنة معادلة محور السينات بصيغة معادلة الخطّ المستقيم، اللي هي: ص بتساوي م س زائد ب؛ حيث م هو الميل وَ ب هو الجزء المقطوع من محور الصادات، هنقلاقي إن ميل محور السينات بيساوي صفر؛ لأن معامل س بيساوي صفر.
بعدين عشان نوجد معادلة الخطّ المستقيم المطلوبة، هنستخدم الصيغة: ص ناقص ص واحد بيساوي م في، س ناقص س واحد. فبما إن النقطة اللي بيمُرّ بيها المستقيم هي سالب واحد على اتنين، وأربعة؛ فهتبقى س واحد هي سالب واحد على اتنين، وَ ص واحد هي أربعة.
فبالتعويض في المعادلة بالميل وَ بـ س واحد وَ بـ ص واحد، المعادلة هتبقى: ص ناقص ص واحد اللي هي أربعة بتساوي م، اللي هي صفر، في س ناقص س واحد اللي هي سالب واحد على اتنين. وده معناه إن ص ناقص أربعة بيساوي صفر. وبإضافة أربعة للطرفين هتبقى ص بتساوي أربعة. وهي دي معادلة الخطّ المستقيم المطلوبة.
