فيديو: قسمة المقادير الصحيحة الموجبة على المقادير ذات الأسس الصحيحة السالبة

أيٌّ من المقادير التالية قيمته تساوي قيمة ٢^−٣ ÷ ٢^−٥؟ [أ] ٢^−٢ [ب] ٢^−٨ [ج] ٢^٢ [د] ٢^(٥/٣) [ﻫ] ١^(٥/٣)

٠١:٣٥

‏نسخة الفيديو النصية

أيٌّ من المقادير التالية قيمته تساوي قيمة اتنين أُس سالب تلاتة على اتنين أُس سالب خمسة؟ ومعطى عندنا الاختيارات؛ أ: اتنين أُس سالب اتنين. ب: اتنين أُس سالب تمنية. ج: اتنين أُس اتنين. د: اتنين أُس، تلاتة على خمسة. هـ: واحد أُس، تلاتة على خمسة.

يعني معطى عندنا المقدار ده، وعايزين نوجد قيمته. فهنلاحظ إننا بنقسم عددين مرفوعين لأُسُس. وفي نفس الوقت العددين ليهم الأساس نفسه، اللي هو اتنين. وخلِّينا نفتكر إننا لمّا بنقسم أعداد مرفوعة لأُسُس وليها الأساس نفسه، فبنطرح الأُسُس. فمعنى كده إن اتنين أُس سالب تلاتة على اتنين أُس سالب خمسة، هتبقى بتساوي اتنين، اللي هو الأساس نفسه. وبنطرح الأُسُس. يعني هيبقى اتنين أُس سالب تلاتة ناقص سالب خمسة. فهيبقى بيساوي اتنين.

وهنحسب سالب تلاتة ناقص سالب خمسة، يعني بتساوي سالب تلاتة زائد خمسة. فيبقى المقدار بيساوي اتنين، والأُسُس هيبقى سالب تلاتة زائد خمسة. فلمّا نحسبها هتبقى بتساوي اتنين. فبالتالي هتبقى هي دي قيمة المقدار اللي معطى عندنا في السؤال.

فلمّا نيجي نشوف الاختيارات اللي عندنا، هنلاحظ إن الاختيار ج هو الصحيح. اللي هو اتنين أُس اتنين. فبالتالي هيبقى الإجابة هو: الاختيار ج؛ اتنين أُس اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.