فيديو: إيجاد العناصر المجهولة لمصفوفتين متساويتين باستخدام الضرب

حدد قيم س، ص، ع التي تحقق المعادلة. (س، −١ و٢، ص)(−٣، −٤، ٥ و٥، ٥، ٣) = (−٨، ٤، ٢ و١٤، ١٢، ٢٢)

٠٣:٢٦

‏نسخة الفيديو النصية

حدد قيم س وَ ص وَ ع التي تحقق المعادلة.

في حالة ضرب المصفوفات، لازم يكون عدد أعمدة المصفوفة الأولى بيساوي عدد صفوف المصفوفة التانية. وبيكون الناتج … وبيكون الناتج مصفوفة عدد صفوفها بيساوي عدد صفوف المصفوفة الأولى، وعدد أعمدتها بيساوي عدد أعمدة المصفوفة التانية. وبنضرب المصفوفتين. فلو المصفوفة أ بالشكل ده ضربناها في مصفوفة ب بالشكل ده، فالناتج هيبقى مصفوفة أ ب بالشكل ده. فهيبقى حاصل ضرب المصفوفتين في الطرف الأيمن بالصورة دي.

وبعد إجراء العمليات … وبعد إجراء العمليات، ده هيساوي المصفوفة دي. وبمساواة المصفوفة بالمصفوفة اللي في الطرف الأيسر، نقدر نستنتج إن سالب تلاتة س ناقص خمسة بيساوي سالب تمنية. وإن خمسة ص ناقص ستة بيساوي أربعتاشر. وإن سالب أربعة س ناقص خمسة بيساوي ع.

فنكتب المعادلات، وبعد كده نحلها. المعادلة الأولى: سالب تلاتة س ناقص خمسة بيساوي سالب تمنية. المعادلة التانية: خمسة ص ناقص ستة بيساوي أربعتاشر. المعادلة التالتة: سالب أربعة س ناقص خمسة بيساوي ع.

بالنسبة للمعادلة الأولى هنجمع الخمسة على الطرفين. فالمعادلة هتبقى سالب تلاتة س بتساوي سالب تمنية زائد خمسة. يعني سالب تلاتة س هيساوي سالب تلاتة. وبقسمة الطرفين على سالب تلاتة، هتبقى س بتساوي واحد. وكده نبقى أوجدنا قيمة س.

بالنسبة للمعادلة التانية هنضيف ستة للطرفين. فالمعادلة هتبقى خمسة ص بتساوي أربعتاشر، زائد ستة. ده معناه إن خمسة ص بتساوي أربعتاشر زائد ستة؛ يعني بتساوي عشرين. بعد كده نقسم الطرفين على خمسة، فهنلاقي إن الصاد بتساوي عشرين على خمسة؛ يعني بتساوي أربعة. يبقى كده أوجدنا إن ص بتساوي أربعة.

بعد كده عشان نوجد قيمة ع فهنعوّض عن س بقيمتها اللي أوجدناها من المعادلة الأولى. فالمعادلة هتبقى سالب أربعة في واحد ناقص خمسة بتساوي ع. ده هيساوي سالب أربعة ناقص خمسة بيساوي ع. وده معناه إن ع بتساوي سالب أربعة ناقص خمسة. يعني بتساوي سالب تسعة. وبكده نبقى أوجدنا قيمة الـ ع.

يبقى قيم س وَ ص وَ ع اللي بتحقق المعادلة، هي س بتساوي واحد، وَ ص بتساوي أربعة، وَ ع بتساوي سالب تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.