فيديو: إيجاد قيمة التعبيرات العددية

أوجد قيمة ٤ × (٣ × (٤/٣)^٤ − ٠٫٧٥^٢ − (١١ × ٣^٢)/(٢^٤ × ٤^٢))^٢.

٠٦:٢٧

‏نسخة الفيديو النصية

أوجد قيمة أربعة في؛ تلاتة في، تلاتة على أربعة الكل أُس أربعة. ناقص خمسة وسبعين من مية تربيع. ناقص حداشر في تلاتة تربيع، على اتنين أُس أربعة في أربعة تربيع. الكل تربيع.

عشان نعرف نحسب قيمة المقدار، محتاجين أول حاجة نعرف الترتيب الصحيح لإجراء العمليات. ترتيب إجراء العمليات هو: أول حاجة إجراء العمليات داخل الأقواس. بعد كده إيجاد قيم القوى. بعد كده إجراء عمليات الضرب والقسمة، بالترتيب من اليمين إلى اليسار. بعد كده إجراء عمليات الجمع والطرح، بالترتيب من اليمين إلى اليسار.

يبقى أول حاجة هنجري العمليات اللي داخل الأقواس. داخل القوس هنجري العمليات بنفس الترتيب. فأول حاجة نوجد قيم القوى. فنوجد قيمة تلاتة على أربعة الكل أُس أربعة. في حالة رفع كسر لأُس، زيّ مثلًا أ على ب الكل أُس ن. فده بيساوي أ أُس ن، على ب أُس ن. وبالتالي تلاتة على أربعة الكل أُس أربعة، بيساوي تلاتة أُس أربعة، على أربعة أُس أربعة. وده هيساوي واحد وتمانين على ميتين وستة وخمسين.

بعد كده نوجد قيمة خمسة وسبعين من مية تربيع. خمسة وسبعين من مية تربيع، بتساوي تلاتة على أربعة الكل تربيع. لأن خمسة وسبعين من مية، بتساوي تلاتة على أربعة. فبالتالي ده هيساوي تلاتة تربيع، على أربعة تربيع. يعني هيساوي تسعة على ستاشر.

بعد كده تلاتة تربيع، فتلاتة تربيع بتساوي تسعة. واتنين أُس أربعة بتساوي ستاشر. وأربعة تربيع بتساوي ستاشر. وبعد التعويض بالقيم دي، في المقدار. المقدار هيبقى بالصورة دي: أربعة في؛ تلاتة في، واحد وتمانين على ميتين وستة وخمسين. ناقص تسعة على ستاشر. ناقص حداشر في تسعة، على ستاشر في ستاشر. الكل تربيع.

بعد كده هنجري عمليات الضرب والقسمة، داخل الأقواس. فالمقدار هيساوي أربعة في؛ تلاتة في واحد وتمانين، على ميتين وستة وخمسين. ناقص تسعة على ستاشر. ناقص حداشر في تسعة، على ستاشر في ستاشر. الكل تربيع.

أول حاجة نضرب تلاتة في واحد وتمانين. فتلاتة في واحد، هيساوي تلاتة. وتلاتة في تمنية، هيساوي أربعة وعشرين. بعدين نضرب حداشر في تسعة. فتسعة في واحد، هيساوي تسعة. بعدين تسعة في واحد، هيساوي تسعة. بعد كده نضرب ستاشر في ستاشر. فهنضرب أول حاجة ستة في ستة، فده هيساوي ستة وتلاتين. فنكتب ستة في الناتج، وتلاتة فوق القيمة المكانية اللي بعد كده. بعدين نضرب ستة في واحد، هيساوي ستة. ونضيف ليها تلاتة، فهتساوي تسعة.

بعدين نكرر نفس العملية، ونضرب الواحد في الستاشر. وبما إن الواحد القيمة المكانية ليها هي العشرات، فهنضيف صفر في الناتج في الآحاد. وبعدين نضرب بنفس الطريقة. واحد في ستة، هيساوي ستة. وواحد في واحد، هيساوي واحد. بعد كده نجمع ستة زائد صفر، هيساوي ستة. وتسعة زائد ستة، هيساوي خمستاشر. فنكتب خمسة في الناتج، ونضيف واحد فوق القيمة المكانية اللي بعد كده. بعدين نجمع واحد زائد واحد، هيساوي اتنين. وبالتعويض بالقيم دي في المقدار، المقدار هيبقى بالصورة دي.

بعد كده هنوحّد مقامات الكسور؛ عشان نقدر نجري عمليات الطرح اللي ما بينها. فهنضرب البسط والمقام في الكسر تسعة على ستاشر، في ستاشر. وفي الحالة دي المقدار هيساوي أربعة في؛ ميتين وتلاتة وأربعين على ميتين وستة وخمسين، ناقص تسعة في ستاشر … تسعة في ستاشر، بتساوي مية وأربعة وأربعين. على … ستاشر في ستاشر، بتساوي ميتين وستة وخمسين. ناقص تسعة وتسعين على ميتين وستة وخمسين. الكل تربيع.

ده هيساوي أربعة في؛ ميتين وتلاتة وأربعين ناقص مية وأربعة وأربعين ناقص تسعة وتسعين، الكل على ميتين وستة وخمسين. الكل تربيع. وبإجراء العمليات في البسط، الناتج هيساوي صفر. يبقى المقدار هيساوي أربعة في، صفر على ميتين وستة وخمسين، الكل تربيع. يعني هيساوي أربعة في صفر تربيع. وده بيساوي أربعة في صفر. يعني بيساوي صفر. يبقى المقدار بيساوي صفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.