فيديو: إيجاد الأعداد المجهولة عند ضرب الأعداد في ١٠

أكمل: ١٠ × ١٦٠ = _ × ١٠٠ = _.

٠١:٣٣

‏نسخة الفيديو النصية

أكمل: عشرة في مية وستين، يساوي عدد مجهول في مية، يساوي عدد مجهول.

دلوقتي إحنا مطلوب مننا نعرف حاصل ضرب عشرة في مية وستين في حاصل الضرب النهائي هيبقى كام. ومطلوب مننا نكتب صياغتها بشكل آخر كحاصل ضرب عددين؛ عدد مجهول، في مية.

خلّينا نبدأ بإيجاد حاصل الضرب الأول بتاع عشرة في مية وستين. إحنا عندنا العاملين اللي بيتمّ ضربهم فيهم صفرين؛ يبقى حاصل الضرب هيحتوي على عدد مساوي من الأصفار. هنحطّ الصفرين، وبعدين هنضرب واحد في ستاشر هيبقى ستاشر. يبقى كده قدرنا نوجد حاصل الضرب المطلوب اللي هو ألف وستمية.

المطلوب التاني عندنا هو: لو أعدنا كتابة عملية الضرب دي كحاصل ضرب عددين؛ عدد مجهول في مية، يا ترى إيه العدد المجهول اللي ممكن نحطّه هنا؟ هنبصّ على حاصل الضرب اللي عندنا، لو أحد العوامل اللي بيتمّ ضربها مية، معناها إن الصفرين دول جايين من ضرب المية. فيبقى العامل الآخر هيبقى هو الستاشر؛ لأن حاصل ضرب ستاشر في مية بألف وستمية. فيبقى العدد المجهول اللي عندنا هو ستاشر.

وبكده يبقى قدرنا نكمّل الأعداد اللي ناقصة المطلوب مننا نكمّلها في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.