فيديو: إيجاد العدد الأكبر من عدد مُعطى بمقدار ١٠ ذهنيًّا باستخدام قطع دينز «العشرة»

أوجد الصورة التي توضِّح العدد ١٠ مطروحًا من ٣٨.

٠١:٥١

‏نسخة الفيديو النصية

أوجد الصورة التي توضِّح العدد عشرة مطروحًا من تمنية وتلاتين.

يعني عندنا تمنية وتلاتين عاوزين نطرح منها عشرة، ونشوف أي صورة من التلات صور دول هي اللي بتوضّح ناتج الطرح ده، طيب تمنية وتلاتين ناقص عشرة يساوي كام؟ لو شِلنا من التمنية وتلاتين عشرة ده معناه إن إحنا شِلنا من خانة العشرات واحد، وخانة الآحاد بقت زي ما هي، يبقى تمنية وتلاتين هنشيل م التلاتين واحد، نخليها عشرين، يبقى تمنية وتلاتين ناقص عشرة، تمنية وعشرين.

التمنية وعشرين دي بقى هي أي تمثيل من التلات تمثيلات دول؟ تمنية وعشرين مكوَّنة من تمنية، وعشرين، التمنية دي آحاد، والعشرين دي يعني اتنين عشرات، طب لو جينا نبص على أول صورة دي، هنلاقي إن الحبَّة دول تمنية، يبقى دول التمنية بتوع الآحاد، ودول كل عمود فيه عشرة، وهما تلاتة، يعني كلهم تلاتين، يبقى الصورة دي كلها بتمنية وتلاتين، طيب يبقى مش هي الإجابة الصح.

لو جينا نبص على الصورة دي هنلاقيها مكوَّنة من التمنية، آحاد هنا أهو، ودول أربع أعمدة يعني أربعين، يعني معناها إن هي تمنية وأربعين، برضو مش هي الإجابة الصح.

طب لو شُفنا الصورة دي هنلاقيها مكوَّنة من التمنية الآحاد أهو، ودول عمودين يعني عشرين، أو اتنين في العشرات، معناه إن الصورة دي تمنية وعشرين، وهي دي الإجابة اللي إحنا عاوزينها.

يبقى الإجابة الصح هي الصورة اللي بتمثل التمنية وعشرين، وهي الصورة دي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.