فيديو: مقارنة ثلاثة أشكال باستخدام الصور

أي الأشكال هو الأكبر؟

٠١:٠١

‏نسخة الفيديو النصية

أيّ الأشكال هو الأكبر؟

عندنا هنا في السؤال تلات أفيال: الفيل الأول اسمه أ. والفيل التاني اسمه ب. والفيل التالت اسمه ج. ومطلوب منّنا نعرف أنهي فيل هو الأكبر فيهم همّ التلاتة. أول حاجة هنعملها هنخبّي الفيل ج؛ علشان نعرف نقارن بسهولة بين الفيل أ والفيل ب، ونعرف أنهي فيل أكبر فيهم. لو ركّزنا هنلاحظ إن الفيل ب أكبر بكتير من الفيل أ.

دلوقتي إحنا عرفنا إن الفيل أ صغيّر مش كبير. يبقى هنشيله من المقارنة؛ علشان ما يلخبطناش. وهنرجّع الفيل ج تاني علشان نعرف الفيل ج أكبر ولّا الفيل ب أكبر. هنلاحظ برضو إن الفيل ب أكبر من الفيل ج. وبكده يبقى أكبر فيل في الأفيال التلاتة هو الفيل ب.

وبكده إجابة السؤال هتكون: ب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.