فيديو: إيجاد مساحة المربع بمعلومية بُعْدَيْ مستطيل له نفس المساحة

إذا كانت مساحتا مستطيل ومربع متساويتين، وكانت أبعاد المستطيل ١٨ سم، ٥٠ سم، فما طول ضلع المربع؟

٠١:٥٨

‏نسخة الفيديو النصية

إذا كانت مساحتا مستطيل ومربع متساويتين، وكانت أبعاد المستطيل تمنتاشر سنتيمتر، وخمسين سنتيمتر؛ فما طول ضلع المربع؟

في السؤال هنا عندنا شكلين، مستطيل ومربع. ومعطى عندنا في السؤال إن المستطيل والمربع متساويين في المساحة. ومعروف إن مساحة المستطيل بتساوي الطول في العرض. ومساحة المربع بتساوي طول الضلع في نفسه. يعني بتساوي طول الضلع في طول الضلع. ومعطى عندنا إن أبعاد المستطيل تمنتاشر سنتيمتر، وخمسين سنتيمتر.

دلوقتي نقدر نحسب مساحة المستطيل بسهولة. الطول هنعتبره خمسين سنتيمتر، في العرض بتمنتاشر سنتيمتر. خمسين في تمنتاشر، تسعمية. يبقى مساحة المستطيل هتساوي تسعمية سنتيمتر مربع. وفي السؤال كان معطى عندنا إن مساحة المستطيل ومساحة المربع متساويتين. معنى كده إن مساحة المربع هتساوي مساحة المستطيل، يعني هتساوي تسعمية سنتيمتر مربع. هتساوي طول الضلع في طول الضلع.

دلوقتي محتاجين نوجد طول ضلع المربع المطلوب منّنا في السؤال. هنفترض إن طول ضلع المربع بِـ س. وبكده هنعوّض في مساحة المربع. تسعمية سنتيمتر مربع هتساوي طول الضلع س، في طول الضلع س. علشان نعرف قيمة س بكام، فهنسأل نفسنا: إيه هم العددين المتشابهين، اللي حاصل ضربهم بيساوي تسعمية؟ هنلاقي إن التلاتين في تلاتين، بتساوي تسعمية. يبقى هنشيل س، وهنحطّ مكانها قيمتها، اللي هي تلاتين. وبكده قدرنا نعرف إن طول ضلع المربع بيساوي تلاتين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.