فيديو: امتحان الإستاتيكا الدور الثاني للعام السابق • ٢٠١٨/٢٠١٧ • السؤال السادس

امتحان الإستاتيكا الدور الثاني للعام السابق • ٢٠١٨/٢٠١٧ • السؤال السادس

٠٢:١٧

‏نسخة الفيديو النصية

ق واحد وَ ق اتنين قوتان متوازيتان تؤثّر محصلتهما في نقطة تبعد اتنين وأربعين سنتيمتر عن نقطة تأثير القوة ق اتنين. إذا كانت سبعة ق واحد يساوي ستة ق اتنين، فما المسافة بين القوة ق واحد والنقطة التي تؤثّر فيها المحصلة بالسنتيمتر؟

عايزين نحلّل المعطيات اللي عندنا في السؤال. معطى عندنا إن ق واحد، وَ ق اتنين؛ قوتان متوازيتان. وهنلاحظ من العلاقة اللي عندنا اللي بتربط القوتين ببعض، اللي هي سبعة ق واحد بتساوي ستة ق اتنين، إن القوتين ليهم نفس الإشارة. فبالتالي القوتين هيبقى ليهم نفس الاتجاه.

هنفترض دلوقتي إن القوة ق واحد، والقوة ق اتنين؛ بيؤثّروا في نفس الاتجاه اللي هو لأعلى. اللي هو في اتجاه متجه الوحدة ي. ق واحد بتؤثّر عند النقطة أ، وَ ق اتنين بتؤثّر عند النقطة ب.

لو افترضنا إن نقطة تأثير المحصلة هي ج، هنجد إن نقطة تأثير المحصلة دي بتقسم القطعة المستقيمة أ ب من الداخل. بحيث إن ق واحد في أ ج، هتساوي ق اتنين في ب ج. أو نقدر نكتب العلاقة بالشكل ده: ق واحد على ق اتنين، تساوي ب ج على أ ج. وإحنا معطى عندنا في السؤال إن سبعة ق واحد تساوي ستة ق اتنين. واللي نقدر نستنتج منها النسبة بين مقدار القوتين؛ ق واحد على ق اتنين، تساوي ستة على سبعة.

من العلاقة رقم واحد، والعلاقة رقم اتنين؛ نقدر نستنتج إن ب ج على أ ج هتساوي ستة على سبعة. وَ ب ج، زيّ ما معطى عندنا في السؤال، هي المسافة بين نقطة تأثير المحصلة، ونقطة تأثير القوة ق اتنين. وبتساوي اتنين وأربعين سنتيمتر. فهنعوّض في العلاقة اللي عندنا عن ب ج باتنين وأربعين. فهيبقى عندنا اتنين وأربعين على أ ج، يساوي ستة على سبعة.

وبإجراء الضرب التبادلي، وبعدين قسمة الطرفين على ستة؛ هنلاقي إن أ ج بتساوي تسعة وأربعين سنتيمتر. وده بيمثّل المسافة بين القوة ق واحد، والنقطة اللي بتؤثّر فيها المحصلة بالسنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.