فيديو: تطبيق خاصية المعكوس الضربي بعد جمع كسرين لهما مقامان غير متشابهين

أوجد المعكوس الضربي للعدد الناتج عن (٩/٥ + ٤/٣).

٠٢:٣٤

‏نسخة الفيديو النصية

أوجد المعكوس الضربي للعدد الناتج عن خمسة على تسعة، زائد تلاتة على أربعة.

معطى عندنا كسرين مجموعين: خمسة على تسعة، زائد تلاتة على أربعة. ومطلوب منّنا إيجاد المعكوس الضربي للعدد الناتج عن جمع الكسرين دول. أول حاجة هنلاحظها في الكسرين إن المقامات بتاعتهم غير متشابهة. وده معناه إن علشان نعرف نجمع الكسرين دول، فأول خطوة هنعملها هي توحيد المقامات. علشان نوحد المقامات الغير متشابهة، بنضرب مقام الكسر الأول في مقام الكسر التاني. وبنكتب حاصل ضربهم في مقام الكسر الناتج. يعني في المقام هنا هنكتب التسعة في أربعة.

وبعدين بنقسم المقام الجديد اللي في الناتج، على مقام الكسر الأول. يعني هنقسم التسعة في أربعة، على تسعة، هتدّي لنا أربعة. آخر حاجة بنضرب الأربعة في البسط. يعني هنضرب الأربعة في خمسة. الأربعة في خمسة، تساوي عشرين. هنكتب العشرين في البسط اللي موجود في الكسر الناتج. وبعدين هنكتب الإشارة اللي ما بين الكسرين، اللي هي هنا زائد، في البسط.

دلوقتي هنعمل مع الكسر التاني، نفس اللي عملناه في الكسر الأول. يعني هنقسم المقام اللي في الناتج تسعة في أربعة، على مقام الكسر التاني اللي هو أربعة. تسعة في أربعة على أربعة، هتساوي تسعة. هنضرب التسعة في البسط، يعني هنضرب تسعة في تلاتة. التسعة في تلاتة، بسبعة وعشرين. هنكتبها في بسط الكسر الناتج. في البسط عندنا عشرين زائد سبعة وعشرين، هتساوي سبعة وأربعين. على المقام … تسعة في أربعة، بستة وتلاتين.

كده إحنا أوجدنا جمع الكسرين: خمسة على تسعة، زائد تلاتة على أربعة. وبيساوي الكسر سبعة وأربعين على ستة وتلاتين. دلوقتي عاوزين نوجد المعكوس الضربي للعدد الناتج. يعني عاوزين نوجد المعكوس الضربي للكسر سبعة وأربعين على ستة وتلاتين. لإيجاد المعكوس الضربي لكسر، بنبدّل بين البسط والمقام. يعني العدد اللي موجود في البسط هينزل في المقام. والعدد اللي موجود في المقام هيطلع فوق في البسط. بعد أمّا بدّلنا بين البسط والمقام، أصبح عندنا المعكوس الضربي يساوي الكسر ستة وتلاتين على سبعة وأربعين. وهي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.