فيديو: طرح عدد مكون من رقمين من عدد مكون من عدة أرقام

٨٨٥١٢ − ١٢ = _.

٠١:٢٣

‏نسخة الفيديو النصية

تمنية وتمانين ألف خمسمية واتناشر ناقص اتناشر يساوي كام؟

لو بصّينا على التمنية وتمانين ألف خمسمية واتناشر، هنلاقيها مكوَّنة من جزئين؛ جزء التمنية وتمانين ألف، وجزء الخمسمية واتناشر. نسيبنا كده من جزء التمنية وتمانين ألف، ونركّز في جزء الخمسمية واتناشر. خمسمية واتناشر عاوزين نطرح منها اتناشر؛ لو إحنا معانا خمسمية واتناشر جنيه، وشِلنا منهم اتناشر جنيه، هيتبقى لنا إيه؟ خمسمية. والتمنية وتمانين ألف ما قرّبناش منها، فتنزل زي ما هي.

يبقى بكل بساطة، بمجرد النظر، ناتج طرح تمنية وتمانين ألف خمسمية واتناشر ناقص اتناشر هي تمنية وتمانين ألف وخمسمية. كأن مثلًا الاتناشر جنيه دول فكّة، وإحنا شيلناهم لوحدهم؛ فاتبقى تمنية وتمانين ألف وخمسمية.

طيب تعالوا نعملها بطريقة تانية، وهي إننا نطرحها بالشكل الرأسي؛ نكتب تمنية وتمانين ألف خمسمية واتناشر ناقص اتناشر. اتنين ناقص اتنين صفر، واحد ناقص واحد صفر، نزّل الخمسة، نزّل التمنية، نزّل التمنية، طلع برضو نفس الناتج، اللي هو تمنية وتمانين ألف وخمسمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.