فيديو: فهم النماذج والصور التوضيحية للقيمة المكانية

ما قيمة مكعبات القيمة المكانية المُلوَّنة في الشكل الموضَّح؟ [أ] ١٠ [ب] ١ [ج] ١٠٠

٠١:٣٩

‏نسخة الفيديو النصية

ما قيمة مكعبات القيمة المكانية الملوّنة في الشكل الموضح؟

عندنا الشكل اللي قدامنا ده، وعاوزين نعرف المكعبات الملوّنة دي قيمتها إيه، عشرة ولّا واحد، ولّا مية. هو واحد ده مش بيدلّ على مكعب واحد، أو وحدة واحدة؟ يعني المكعب ده كده قيمته واحد. يبقى المكعبات دي كلها استحالة تكون قيمتها واحد. يبقى معنى كده إن واحد مش اختيار صح. فاتبقى لنا إيه؟ يا عشرة، يا مية.

طيب إحنا قلنا إن المكعب الواحد، ده كده هو شكله. تعالوا بقى نشوف العمود الملوّن اللي إحنا عاوزين نعرف قيمته ده، فيه كام مكعب. واحد، اتنين، تلاتة، أربعة، خمسة، ستة، سبعة، تمنية، تسعة، عشرة. فيه عشر مكعبات. معنى كده إن قيمته عشرة. يبقى كده إحنا عرفنا نجاوب على السؤال، وعرفنا قيمة المكعبات الملونة. طلعوا عشرة، يعني قيمتهم عشرة. أمّا الجزء ده، فقيمته مية؛ لأنه عشر أعمدة من المكعبات اللي قيمتها عشرة.

يبقى كده إحنا عرفنا: ده واحد، دول عشرة، دول مية. وإحنا عاوزين الملوّنين دول، اللي هم قيمتهم إيه؟ عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.