فيديو: قراءة الوقت باستخدام ساعة العقارب

ما الوقت الموضَّح؟ [أ] الثانية إلا عشر دقائق [ب] الثانية عشرة إلا عشر دقائق [ج] العاشرة وخمس دقائق [د] الثانية عشرة وخمس دقائق [ﻫ] الواحدة إلا عشر دقائق

٠٢:٢٦

‏نسخة الفيديو النصية

ما الوقت الموضّح؟

عاوزين نعرف الساعة اللي قدامنا دي بتقول لنا الساعة كام. هل هي الثانية إلّا عشر دقائق، ولّا الثانية عشرة إلّا عشر دقائق، ولّا العاشرة وخمس دقائق، ولّا الثانية عشرة وخمس دقائق، ولّا الواحدة إلا عشر دقائق؟

بكل بساطة هنقرأ الساعة اللي قدامنا دي، ونشوف أيّ اختيار من الاختيارات اللي عندنا هو اللي بيمثّل الساعة. علشان نقرأ الساعة، بنقرأ عقرب الدقائق، وعقرب الساعات. هنبدأ بعقرب الساعات. عقرب الساعات اللي هو العقرب الصغير ده. بيبُصّ على إيه؟ هنلاقيه موجود ما بين الواحد والاتناشر. لسه ما عدّاش الواحد، بس عدّى الاتناشر.

طيب بعدين نبصّ على عقرب الدقايق، هو اللي هيحدّد لنا الساعة كام. نيجي على العقرب ده، اللي هو عقرب الدقايق، هنلاقيه بيبُصّ على العشرة. طيب لو تخيّلنا إن عقرب الدقائق ده هيمشي الحتّتين دول كده، ويقف هنا في الآخر، يبقى عند الاتناشر بالضبط؛ لو مشى الجزئين دول، ووقف عند الاتناشر بالظبط، معناها إن الساعة بقت كام؟ معناها إن الساعة بقت واحدة بالظبط؛ لأن عقرب الساعات هيبقى بيبُصّ على الواحدة أو الواحد، وعقرب الدقايق هيكون على الاتناشر بالظبط.

طيب هو ما مشيش الجزئين دول، هو لسه واقف عند العشرة. طب هم الجزئين دول مش بعشر دقايق؟ يبقى معنى كده إن باقي عشر دقايق، والساعة تبقى واحدة. يعني إيه الكلام ده؟ الكلام ده معناه إن الساعة واحدة، بس ناقص لها عشر دقايق. يعني إيه؟ يعني الساعة واحدة إلّا الجزء ده، اللي هو العشر إيه؟ دقايق.

يبقى عرفنا نقرا الساعة اللي قدامنا دي، الساعة واحدة إلَّا عشر دقايق. طيب فين الإجابة دي في الاختيارات؟ لو جينا نبُصّ، هنلاقيها هي الاختيار ده: الواحدة إلَّا عشر دقائق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.