تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تسمية المضلعات بعدد الأضلاع والزوايا المُعطاة

أماني يوسف

اكتب اسم الشكل الذي يطابق هذا الوصف. ذو ٥ أضلاع. ذو ٥ زوايا. مغلق.

٠١:٥٠

‏نسخة الفيديو النصية

اكتب اسم الشكل الذي يطابق هذا الوصف: ذو خمس أضلاع، ذو خمس زوايا، مغلق.

عاوزين نعرف إيه الشكل اللي بتنطبق عليه الخواص دي. شكل له خمس أضلاع، وخمس زوايا، ومغلق مش مفتوح. تعالوا كده نجرّب نرسم شكل له خمس أضلاع. هنعمل إيه؟ آدي ضلع، اتنين، تلاتة، أربعة، خمسة. عندنا خمس أضلاع أهُم رسمناهم.

طيب تاني حاجة إيه؟ ذو خمس زوايا. تعالوا كده نعدّ الزوايا اللي عملناها في الشكل بتاعنا. واحد، اتنين، تلاتة، أربعة. طب إحنا عايزينهم يبقوا خمس زوايا. طب هو الشرط التالت إن هو يكون إيه؟ مغلق. إحنا هنا فاتحينه. فمحتاجين نقفله؛ علشان تبقى الشروط صح. فهنرسمه من الأول، بس هنقفله.

هنرسم الأضلاع. آدي أول ضلع. وآدي التاني. وآدي التالت. وآدي الرابع. وآدي الخامس. كده إحنا عملنا شكل، له خمس أضلاع، وفي نفس الوقت مغلق. طب تعالوا كده نعدّ الزوايا. آدي زاوية، اتنين، تلاتة، أربعة، خمسة. يبقى برضو له خمس زوايا. طيب هو الشكل اللي إحنا رسمناه ده، اسمه إيه؟ اسمه خماسي؛ لأنه مكوّن من خمس أضلاع. يبقى كده الإجابة بتاعتنا هتكون: خماسي.