تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: جمع عددين صحيحين

مريم يحيى

١٧٣٣٢ + ٤٧٩١٣ = _.

٠١:٥٩

‏نسخة الفيديو النصية

سبعتاشر ألف وتلتمية اتنين وتلاتين، زائد سبعة وأربعين ألف وتسعمية وتلتاشر، يساوي نقط.

عندنا عددين، العدد الأول مكوّن من خمس أرقام، والعدد التاني مكوّن برضو من خمس أرقام. وعلشان نقدر نجمع بسهولة وبشكل منظّم، هنكتب العددين تحت بعض.

كتبنا العدد الأول بالشكل ده. وحددنا خانة كل رقم من اليمين. فكتبنا اتنين في خانة الآحاد. وتلاتة في خانة العشرات. وتلاتة اللي بعدها في خانة المئات. والسبعة كتبناها في خانة الألوف. وأخيرًا الواحد كتبناها في خانة عشرات الألوف.

وبنفس الطريقة هنكسب تحته أرقام العدد الأول، وبرضو هنبدأ من اليمين. تلاتة في الآحاد. واحد في العشرات. وتسعة في المئات. والسبعة في الألوف. وأربعة في عشرات الألوف.

وبكده نقدر نجمع بسهولة. اتنين زائد تلاتة بيساوي خمسة. وتلاتة زائد واحد بيساوي أربعة. أما تلاتة زائد تسعة بيساوي اتناشر، واتناشر عدد مكوّن من رقمين؛ فهنكتب الرقم الأول تحت خانة المئات، والرقم التاني بنضيفه لخانة الألوف أو الخانة اللي بعدها. فهنضيف دلوقتي واحد زائد سبعة زائد سبعة، اللي هي أرقام خانة الألوف؛ بتساوي خمستاشر. وخمستاشر كمان عدد مكوّن من رقمين؛ فهنكتب خمسة اللي هي الرقم الأول، تحت خانة الألوف، والواحد هنضيفها للخانة اللي بعدها اللي هي خانة عشرات الألوف. ودلوقتي هنبدأ نجمع؛ واحد زائد واحد زائد أربعة، واللي بتساوي ستة. وبكده هيكون ناتج الجمع هو العدد خمسة وستين ألف وميتين خمسة وأربعين.