فيديو: المقارنة بين مقادير تتضمَّن الجمع

أكمل باستخدام< أو = أو >: ٦١ + ٢٢ _ ٢٤.

٠١:٣١

‏نسخة الفيديو النصية

أكمل باستخدام أقل من أو يساوي أو أكبر من: واحد وستين زائد اتنين وعشرين، نقط، أربعة وعشرين.

عاوزين نكمل السؤال اللي عندنا ده، يا نحط أقل من، يا نحط يساوي، يا نحط أكبر من. طيب علشان نعرف نجاوب على السؤال ده محتاجين نخلَّص عملية الجمع دي. يعني نجمع واحد وستين زائد اتنين وعشرين، ونشوفها بتساوي كام. والناتج بتاعها نقارنه بالأربعة وعشرين.

فهنبدأ أول حاجة هنعملها هي جمع الآحاد. نجمع واحد في الآحاد هنا، مع اتنين في الآحاد هنا. واحد زائد اتنين تلاتة. بعدين نجمع العشرات؛ ستة زائد اتنين. ستة زائد اتنين تمنية؛ لأننا بنعدّ بعد الستة: سبعة، تمنية.

يبقى كده ناتج الجمع هو تلاتة وتمانين. عايزين بقى نقارن بين التلاتة وتمانين والأربعة وعشرين. مين الكبير؟ هنبص على خانة العشرات في كل عدد. خانة العشرات عندنا هنا فيها تمنية. وخانة العشرات هنا فيها اتنين. مين الكبير بقى التمنية ولّا الاتنين؟ التمنية هي الكبيرة. فمعناها إن الإجابة هتبقى كده أكبر من؛ لأن الجزء اليمين ده طلع بيساوي تلاتة وتمانين، وهو أكبر من الجزء اللي موجود في اليسار. فتبقى هي دي الإجابة الصح اللي إحنا المفروض نكتبها؛ أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.