فيديو: إيجاد إحداثيات نقطة باستخدام صيغة نقطة المنتصف

إذا عُلم أن ﺃ(٤، ٨)، ﺏ(٦، ٦)، فما إحداثيات نقطة منتصف القطعة المستقيمة ﺃﺏ؟

٠١:٢١

‏نسخة الفيديو النصية

إذا عُلِم أن أ أربعة وتمنية، وَ ب ستة وستة. فما إحداثيات نقطة منتصف القطعة المستقيمة أ ب؟

عشان نقدر نحسب إحداثيات نقطة المنتصف، هنستخدم القانون التالي. إحداثيات نقطة المنتصف بتساوي س واحد زائد س اتنين، على اتنين. وَ ص واحد زائد ص اتنين على اتنين. س واحد وَ ص واحد عبارة عن إحداثيات النقطة الأولى. وَ س اتنين وَ ص اتنين عبارة عن إحداثيات النقطة التانية. يبقى إحداثيات نقطة منتصف القطعة المستقيمة أ ب، عبارة عن … لو اعتبرنا إن النقطة أ النقطة الأولى، والنقطة ب هي النقطة التانية. يبقى س واحد هتبقى عبارة عن أربعة، زائد س اتنين هتبقى عبارة عن ستة، على اتنين.

وبنلاقي إن ص واحد هتبقى عبارة عن تمنية، زائد ص اتنين هتبقى عبارة عن ستة، على اتنين. وبكده يبقى الإحداثيات هتبقى عبارة عن أربعة زائد ستة، عشرة، على اتنين. وتمنية زائد ستة عبارة عن أربعتاشر، على اتنين. يبقى النتيجة هتبقى عبارة عن عشرة على الاتنين، بخمسة. وأربعتاشر على الاتنين، بسبعة. يبقى إحداثيات نقطة منتصف القطعة المستقيمة أ ب، عبارة عن خمسة وسبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.