فيديو: تحويل السعات من الملليلترات إلى اللترات

قرِّب ٢٣٩٢ ملل لأقرب لتر.

٠٢:١٦

‏نسخة الفيديو النصية

قرِّب ألفين تلتمية اتنين وتسعين ملليلتر لأقرب لتر.

عندنا سعة معطاة بالملليلتر، ومطلوب إننا نقرّبها لأقرب لتر. في البداية لازم نحوّل الملليلتر إلى لتر. عشان نعرف نحوّل من ملليلتر إلى لتر، هنفتكر إنه الواحد لتر هيساوي ألف ملليلتر. يعني عشان أحوّل ألفين تلتمية اتنين وتسعين ملليلتر إلى لتر، هقسم ألفين تلتمية اتنين وتسعين على ألف.

عشان نقسم العدد الصحيح ده على ألف، هنفترض إن فيه فصلة عشرية في آخر العدد. وبكده هنكون ما غيّرناش حاجة. ولمَّا نقسم على ألف هنحرَّك الفصلة العشرية إلى اليسار عدد أرقام هيساوي عدد الأصفار. ولأننا بنقسم على ألف، يعني عندي: واحد، اتنين، تلاتة؛ تلات أصفار. إذن هنحرّك الفصلة العشرية إلى اليسار تلات أرقام؛ واحد، اتنين، تلاتة. وهيكون ده المكان الجديد للفصلة العشرية. يعني هيساوي اتنين وتلتمية اتنين وتسعين من ألف لتر.

الخطوة التانية هنقرَّب العدد ده إلى أقرب لتر، يعني إلى أقرب عدد صحيح. هنبصّ على خانة الجزء من عشرة، هنلاقي فيه رقم تلاتة. ولأن التلاتة أقل من خمسة، إذن هنتجاهل التلاتة، وهتتحوّل إلى صفر. وكل الأرقام اللي بعد كده هتبقى أصفار. والرقم الصحيح هيفضل زيّ ما هو؛ اتنين.

يعني هيساوي تقريبًا اتنين لتر. يعني هيساوي تقريبًا لتران.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.