فيديو: قسمة كثيرات الحدود على أحادية الحد

يوضح الفيديو كيفية القيام بعملية القسمة لكثيرات الحدود على أحادية الحد، وأمثلةً عليها.

٠٢:٥٦

‏نسخة الفيديو النصية

قسمة كثيرات الحدود على أحادية الحدّ.

في الفيديو ده هنتعلّم قسمة كثيرات الحدود، على أحادية الحدّ. عشان نقسم كثيرة حدود على أحادية حدّ، بنقسم كل حدّ في كثيرة الحدود، على أحادية الحدّ على حِدة. يعني مثلًا عاوزين نوجد اتنين س تربيع زائد ستاشر س، على اتنين س. فأول حاجة نكتب عملية القسمة، بشكل كسر. فده هيساوي اتنين س تربيع زائد ستاشر س، على اتنين س.

بعدين نقسم كل حدّ من البسط لوحده، على المقام. فده هيساوي اتنين س تربيع على اتنين س، زائد ستاشر س على اتنين س. بعدين نقسم على العوامل المشتركة. ففي المقدار الأول، هنقسم البسط والمقام على اتنين س. وفي المقدار التاني، هنقسم البسط والمقام على اتنين س. فده هيساوي س زائد تمنية.

نتنقل لصفحة تانية، ونحل مثال تاني. أوجد ب تربيع زائد اتناشر ب ناقص أربعتاشر، على تلاتة ب. فأول حاجة هنكتب العملية على شكل كسر. فده هيساوي ب تربيع زائد اتناشر ب ناقص أربعتاشر، على تلاتة ب. بعدين نقسم كل حدّ من البسط لوحده، على تلاتة ب. فده هيساوي ب تربيع على تلاتة ب، زائد اتناشر ب على تلاتة ب، ناقص أربعتاشر على تلاتة ب.

بعدين نقسم على العوامل المشتركة. ففي المقدار الأول، هنقسم على ب. وفي المقدار التاني، هنقسم على تلاتة ب. وما فيش عوامل مشتركة في المقدار التالت. فده هيساوي ب على تلاتة، زائد أربعة، ناقص أربعتاشر على تلاتة ب.

وبكده نبقى خلّصنا الفيديو ده. اللي اتعلّمنا فيه قسمة كثيرات الحدود على أحادية الحدّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.