فيديو: إيجاد الكسور المتكافئة

أكمل: ٢/٥ = ١٥/_ = ٣/_ = _/٥/٤ ١٤ = _/٨.

٠٥:٣٠

‏نسخة الفيديو النصية

أكمل: خمسة على اتنين يساوي خمستاشر على، نقط. يساوي تلاتة على، نقط. يساوي، نقط، على أربعتاشر وأربعة على خمسة. يساوي، نقط، على تمنية.

في السؤال هنا بنجد عدة كسور متكافئة، ومطلوب إكمال مكان النقط. بنكتب أول كسرين متكافئين. خمسة على اتنين يساوي خمستاشر على، نقط. بنشوف أول حاجة البسط. بنجد إن بسط الكسر الأول عبارة عن خمسة، أصبح خمستاشر. وبالتالي يبقى أكيد تمّ الضرب في تلاتة حتى تصبح الخمسة خمستاشر. وبالمثل زيّ ما ضربنا بسط الكسر الأول في تلاتة هنضرب مقام الكسر الأول في تلاتة. اتنين في تلاتة بيكون الناتج بستة. وبالتالي هيكون مكان النقط ستة. هنكتب كده إجابتنا في الشمال. يبقى أول إجابة أوجدناها ستة.

بنكمّل بعد كده، ونشوف الكسرين المتكافئين التاني والتالت. خمستاشر على ستة تساوي تلاتة على، نقط. كيف أصبحت الخمستاشر تلاتة؟ وده تمّ عن طريق القسمة على خمسة. وبالمثل هيتمّ قسمة المقام على خمسة. ستة على خمسة، بنجد إن الناتج بيساوي واحد واتنين من عشرة. يبقى هنكتب كده تاني إجابة حصلنا عليها عبارة عن واحد واتنين من عشرة.

ودلوقتي هنشوف الكسر التالت والرابع. تلاتة على واحد واتنين من عشرة يساوي، نقط، على أربعتاشر وأربعة على خمسة. محتاجين نعرف إزَّاي واحد واتنين من عشرة أصبحت أربعتاشر وأربعة على خمسة. واحد واتنين من عشرة هيتمّ ضربها في كام حتى تصبح أربعتاشر وأربعة على خمسة؟ لو كان واحد واتنين من عشرة بيتمّ ضربه في عدد ما وبينتج أربعتاشر وأربعة على خمسة. إذن لو قسمنا أربعتاشر وأربعة على خمسة على واحد واتنين من عشرة، الناتج هيكون عبارة عن هذا العدد المجهول.

فهنقسم كده أربعتاشر وأربعة على خمسة على واحد واتنين من عشرة. هنحوّل أربعتاشر وأربعة على خمسة من صورة العدد الكسري إلى صورة الكسر غير الفعلي. فهيتمّ ضرب أربعتاشر في خمسة. والناتج هيتمّ جمعه على أربعة في البسط. وبالتالي أربعتاشر وأربعة على خمسة في صورة كسر غير فعلي هتكون عبارة عن أربعة وسبعين على خمسة، على واحد واتنين من عشرة. هذا العدد العشري هيتمّ كتابته في صورة كسر. فهيبقى عبارة عن اتناشر على عشرة. اتناشر على عشرة بنجد إن فيه عامل مشترك أكبر بين البسط والمقام، وهو اتنين. اتناشر على اتنين بيكون الناتج بستة. عشرة على اتنين بيكون الناتج بخمسة.

بنكمّل. ويبقى أربعة وسبعين على خمسة على … ستة على خمسة، هيتمّ تحويل علامة القسمة إلى ضرب. وبالتالي المقسوم عليه هيقلب، ويبقى عبارة عن خمسة على ستة. ‏بنجد إن فيه عامل مشترك بين البسط والمقام، وهو خمسة. خمسة على خمسة بيكون الناتج بواحد. خمسة على خمسة بيكون الناتج بواحد.

ويوجد أيضًا عامل مشترك آخر وهو اتنين. أربعة وسبعين على اتنين بيكون الناتج سبعة وتلاتين. وستة على اتنين بيكون الناتج بتلاتة. إذن أربعتاشر وأربعة على خمسة على واحد واتنين من عشرة عبارة عن … سبعة وتلاتين في واحد بيساوي سبعة وتلاتين على … واحد في تلاتة بيساوي تلاتة. يبقى العدد اللي يمكن ضربه في واحد واتنين من عشرة وهينتج أربعتاشر وأربعة على خمسة هو عبارة عن سبعة وتلاتين على تلاتة.

وزيّ ما تمّ ضرب المقام في سبعة وتلاتين على تلاتة هيتمّ ضرب أيضًا البسط في سبعة وتلاتين على تلاتة. تلاتة في سبعة وتلاتين على تلاتة … بيتمّ اختصار تلاتة مع تلاتة، وبيكون الناتج عبارة عن سبعة وتلاتين. يبقى الإجابة التالية اللي حصلنا عليها عبارة عن سبعة وتلاتين.

بنكمّل بعد كده، ونختار الكسر الأول ونساويه بالكسر الأخير. ليه هنا اخترنا الكسر الأول والكسر الأخير؟ لأن ببساطة لو بصّينا على مقام الكسر الأول بنجد إنه عبارة عن اتنين، ومقام الكسر الأخير عبارة عن تمنية. وحتى تصبح الاتنين تمنية بيتمّ ضربها في أربعة. والعملية الحسابية هنا كانت بسيطة وأسهل مثلًا من العملية الحسابية اللي تمّ إجراءها في الخطوة السابقة.

بنكمّل. وزي ما تمّ ضرب المقام في أربعة هيتمّ ضرب البسط أيضًا في أربعة. بنجد إن خمسة في أربعة بيكون الناتج عشرين. إذن الإجابة التالية والأخيرة هي عبارة عن عشرين. وبكده يبقى قدرنا نكمل مكان النقاط. وبالتالي أصبحت الإجابة هي عبارة عن: ستة، وواحد واتنين من عشرة، وسبعة وتلاتين، وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.