فيديو: إيجاد مساحة شكل باستخدام أطوال أضلاع معبَّر عنها في صورة مقادير جبرية

أيٌّ من الأشكال التالية يمكن تمثيل مساحته بالمقدار ٢س + ٨س؟ [أ] شكل أ [ب] شكل ب [ج] شكل ج [د] شكل د [ﻫ] شكل ﻫ

٠١:٣٣

‏نسخة الفيديو النصية

أيٌّ من الأشكال التالية يمكن تمثيل مساحته بالمقدار اتنين س زائد تمنية س؟ وعندنا خمس أشكال، عايزين نعرف مين فيهم اللي مساحته اتنين س زائد تمنية س.

لو بصّينا على الاختيار رقم هـ، هنلاقيه بيمثّل قطعة مستقيمة. والقطعة المستقيمة دي مالهاش مساحة. ليها طول، لكن مالهاش مساحة. اتبقّى عندنا أربع أشكال على شكل مستطيل. مساحة المستطيل بتساوي الطول مضروب في العرض. لو بصّينا للمستطيل رقم أ، هنلاقي إن طوله تمنية زائد س، وعرضه س. هنضرب تمنية زائد س، في س. س في تمنية، هيساوي تمنية س. وَ س في س، بيساوي س تربيع. تمنية س زائد س تربيع، ما بتساويش اتنين س زائد تمنية س.

نيجي على الشكل رقم ب: طوله عشرة زائد س، وعرضه س. هتبقى مساحته عشرة زائد س مضروبة في س. يعني عشرة س زائد س تربيع. وده برضو مرفوض. في الشكل رقم ج: الطول تمنية زائد اتنين، والعرض هو س. تمنية زائد اتنين في س، بيساوي تمنية س زائد اتنين س. اللي هي اتنين س زائد تمنية س؛ لأن الجمع عملية إبدالية. يبقى الاختيار رقم ج صحيح. نيجي للاختيار رقم د: طوله اتنين زائد س، والعرض س. اتنين زائد س في س، بتساوي اتنين س زائد س تربيع. وده مرفوض. وهيبقى الشكل اللي نقدر نمثّل مساحته بالمقدار اتنين س زائد تمنية س، هو الشكل رقم ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.