فيديو: ضرب عددين كسريين

احسب ٣/٢ ٣ × ٣/٢ ١

٠٣:٣٦

‏نسخة الفيديو النصية

احسب تلاتة واتنين على تلاتة، في واحد واتنين على تلاتة.

فعشان نضرب أعداد كسرية على صورة عدد صحيح وكسر، فهنحول الأعداد الكسرية إلى كسور. وعلشان نحوّل العدد الكسري لكسر، أول حاجة بنعملها بنضرب المقام في العدد الصحيح، وبعد كده حاصل الضرب بنجمعه على البسط.

فهنيجي في الأول عند تلاتة واتنين على تلاتة. لو عايزين نحوّلها لكسر، فهنضرب الأول تلاتة اللي في المقام، في تلاتة العدد الصحيح. فتلاتة في تلاتة هتساوي تسعة. بعد كده هنجمع تسعة زائد اتنين اللي في البسط، فهتساوي حداشر. فهنكتب حداشر في البسط وهيبقى المقام زي ما هو تلاتة.

بعد كده هنحوّل العدد الكسري واحد واتنين على تلاتة إلى كسر. فهنضرب الأول المقام تلاتة في العدد الصحيح واحد، هيساوي تلاتة. بعد كده هنجمع حاصل الضرب اللي هو تلاتة على البسط اللي هو اتنين، فتلاتة زائد اتنين هتساوي خمسة. فهنكتب خمسة في البسط، والمقام هيفضل نفس المقام تلاتة.

فكده يبقى عايزين نوجد حاصل ضرب الكسرين حداشر على تلاتة، في خمسة على تلاتة. وعلشان نوجد حاصل ضرب الكسرين، يبقى هنضرب البسط في البسط، والمقام في المقام. فهنضرب الأول البسط حداشر في البسط خمسة. فحداشر في خمسة بتساوي خمسة وخمسين، وهيبقى هو ده بسط حاصل الضرب.

بعد كده هنضرب المقام في المقام، يعني هنضرب تلاتة في تلاتة. فهيبقى حاصل ضرب تلاتة في تلاتة هو تسعة. فهيبقى تسعة هو مقام حاصل الضرب. فيبقى حاصل الضرب عندنا هو خمسة وخمسين على تسعة.

لكن الأفضل إن إحنا نحوّلها لعدد كسري؛ لأن هنلاحظ إن البسط خمسة وخمسين أكبر من المقام. فعلشان نحوّل الكسر لعدد كسري، يبقى هنقسم خمسة وخمسين على تسعة. يعني عايزين نشوف خمسة وخمسين فيها كام تسعة. فهنجرب مثلًا خمسة في تسعة. فلمّا نضرب خمسة في تسعة هتساوي خمسة وأربعين، لكن خمسة وأربعين هنا لسه أصغر من خمسة وخمسين. فهنجرب نضرب ستة في تسعة.

فلمّا نضرب ستة في تسعة، هيبقى حاصل الضرب أربعة وخمسين. فهنلاحظ إن أربعة وخمسين هنا قريبة من خمسة وخمسين. فمعنى كده إن أربعة وخمسين لو قسمناها على تسعة هتساوي ستة. وبما إن البسط هنا عندنا خمسة وخمسين فهو أكبر من أربعة وخمسين بواحد.

فبالتالي هنبقى عرفنا الخمسة وخمسين فيها كام تسعة. فهيبقى فيها ستة اللي هو ناتج قسمة أربعة وخمسين على تسعة. فمعنى كده إن خمسة وخمسين على تسعة، هتساوي ستة، لكن هيبقى فيه متبقى واحد. فهنكتب المتبقي في البسط اللي هو واحد، وهنكتب المقام زي ما هو تسعة. وبالتالي هيبقى حاصل ضرب تلاتة واتنين على تلاتة، في واحد واتنين على تلاتة، هو ستة وواحد على تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.