فيديو: قسمة الأعداد العشرية على الأعداد الكسرية والعكس

احسب ١٫٤٢٥ ÷ ٥/٢ ٤، لأقرب جزء من مائة.

٠٣:٥٠

‏نسخة الفيديو النصية

احسب: واحد وأربعمائة وخمسة وعشرون من ألف، على، أربعة واثنان على خمسة، لأقرب جزء من مائة.

عشان نحسب واحد وربعمية وخمسة وعشرين من ألف، على، أربعة واتنين على خمسة؛ هنحوّل العدد أربعة واتنين على خمسة إلى عدد عشري، ‏فهنقسّمه لعدد زائد كسر، فهيبقى أربعة زائد اتنين على خمسة، بعدين هنخلي مقام الكسر بيساوي عشرة أو مية أو ألف وهكذا، فهنضرب البسط والمقام في اتنين، فهيبقى ده بيساوي أربعة، زائد … اتنين في اتنين هيساوي أربعة، على … خمسة في اتنين هيساوي عشرة. وأربعة على عشرة بيساوي أربعة من عشرة؛ يبقى ده هيساوي أربعة زائد أربعة من عشرة، اللي هيساوي أربعة وأربعة من عشرة.

يبقى كده محتاجين نقسم واحد وربعمية وخمسة وعشرين من ألف، على أربعة وأربعة من عشرة؛ فهنستخدم القسمة المطوّلة، وعشان نخلّي المقسوم عليه عدد صحيح، هنضرب المقسوم والمقسوم عليه في عشرة، فهتبقى العملية كالتالي، بعدين نقسم أول رقمين في المقسوم على المقسوم عليه، فهيبقى أقرب ناتج هو صفر، بعد كده نضرب صفر في المقسوم عليه، فصفر في أربعة وأربعين هيساوي صفر، بعد كده نطرح فأربعتاشر ناقص صفر هيساوي أربعتاشر، وبما إننا وصلنا للعلامة العشرية في المقسوم، فهنكتب علامة عشرية في الناتج، بعدين ننزل اتنين ونكمل حل بنفس الطريقة، مية واتنين وأربعين على أربعة وأربعين، هيبقى أقرب ناتج ليها هو تلاتة، وتلاتة قي أربعة وأربعين هيساوي مية واتنين وتلاتين، بعد كده هنطرح؛ فمية واتنين وأربعين، ناقص مية واتنين وتلاتين، هيساوي عشرة. بعدين ننزل الخمسة ونقسم مية وخمسة على أربعة وأربعين هيبقى أقرب ناتج هو اتنين، بعدين نضرب اتنين في أربعة وأربعين فهيبقى الناتج تمنية وتمانين، بعد كده هنطرح فمية وخمسة ناقص تمنية وتمانين هيساوي سبعتاشر، وبما إننا عاوزين نقرب لأقرب جزء من مائة، فمحتاجين نضيف رقم كمان على الناتج، فهنضيف صفر للمقسوم، وده مش هيغير من القيمة لأنه على يمين العلامة العشرية، بعدين ننزل الصفر ونكمل، مية وسبعين على أربعة وأربعين هيبقى أقرب ناتج هو تلاتة، وتلاتة في أربعة وأربعين هيساوي مية واتنين وتلاتين، بعدين نطرح مية وسبعين ناقص مية اتنين وتلاتين هيساوي تمنية وعشرين.

وبما إننا وصلنا في الناتج للأجزاء من ألف، فممكن نوقّف القسمة المطولة ونقرب الناتج لأقرب جزء من مية، يبقى عاوزين نقرب تلتمية وتلاتة وعشرين من ألف لأقرب جزء من مية، فهنشوف الرقم المكتوب في الأجزاء من ألف، فإذا كان الرقم أربعة أو أقل فمفيش أي تغير هيحصل على الأجزاء من مائة، أما إذا كان الرقم خمسة أو أكتر ففي الحالة دي بنضيف واحد للأجزاء من مائة. وبما إن الرقم في الحالة دي هو تلاتة فما فيش هيتغير هيحصل على الأجزاء من مائة؛ يبقى تلتمية وتلاتة وعشرين من ألف هيساوي تقريبًا بالتقريب لأقرب جزء من مائة: اتنين وتلاتين من مية؛ وهو ده ناتج قسمة واحد وربعمية وخمسة وعشرين من ألف، على، أربعة واتنين على خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.