فيديو: المثلثات في الهندسة المستوية

أكمل باستخدام< أو = أو >: ق∠ﺃﺏﻫ _ ق∠ﺃﺟد.

٠١:٥٨

‏نسخة الفيديو النصية

أكمل باستخدام أقل من أو يساوي أو أكبر من: قياس الزاوية أ ب هـ، مسافة، قياس الزاوية أ ج د.

لو بصّينا على المثلثين أ ب م وَ م د ج، هنلاقي أ م يساوي م ج، وده معطى. ب م يساوي م د، وده برضو معطى. قياس الزاوية أ م ب بيساوي قياس الزاوية د م ج بالتقابل بالرأس. إذن المثلث أ م ب بيطابق المثلث ج م د؛ لأن فيه تطابق ضلعين وزاوية محصورة بينهم. الضلعين اللي همّ أ م وبيطابقه م ج. ب م وبيطابقه م د. والزاوية المحصورة بينهم في المثلث الأول هي أ م ب. والزاوية المحصورة في المثلث الآخر هي الزاوية د م ج. ومن التطابق إذن قياس الزاوية أ ج د يساوي قياس الزاوية ب أ م. ونسمي دي رقم واحد.

في المثلث أ ب ج لو بصّينا على الزاوية أ ب هـ هنلاقيها زاوية خارجة عن المثلث. وقياس الزاوية الخارجة بيكون أكبر من قياس أي زاوية في المثلث، ما عدا المجاورة لها. يبقى إذن قياس زاوية أ ب هـ أكبر من قياس الزاوية ب أ م؛ لأنها زاوية خارجة. ونسمي دي رقم اتنين.

يبقى قياس الزاوية أ ج د بيساوي قياس الزاوية ب أ م، وسمينا ده رقم واحد. وقياس زاوية أ ب هـ أكبر من قياس الزاوية ب أ م، وسمينا ده رقم اتنين. من واحد واتنين إذن قياس الزاوية أ ب هـ أكبر من قياس الزاوية أ ج د. وهتكون الإجابة الصحيحة هي «أكبر من».

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.