فيديو: حساب المقادير الصحيحة السالبة ذات الأسس الصحيحة السالبة المرفوعة لأسس صحيحة موجبة

أيٌّ من المقادير التالية قيمته تساوي قيمة ((−٣)^−٥)^٤؟ [أ] ١/−٣^٢٠ [ب] ٣/١^٢٠ [ج] ٣^٢٠ [د] −٣^٢٠ [ﻫ] ٣/١^٩

٠١:٣٧

‏نسخة الفيديو النصية

أيٌّ من المقادير التالية قيمته تساوي قيمة سالب تلاتة أُس سالب خمسة الكل أُس أربعة؟ وعندنا مجموعة مِ الاختيارات. أ: واحد على سالب تلاتة أُس عشرين. ب: واحد على تلاتة أُس عشرين. ج: تلاتة أُس عشرين. د: سالب تلاتة أُس عشرين. ﻫ: واحد على تلاتة أُس تسعة.

من قوانين الأُسس نعرف إن أ أُس م الكل أُس ن، بتساوي أ أُس م في ن. عملية ضرب للأُسس. وهيبقى سالب تلاتة أُس سالب خمسة الكل أُس أربعة. هي عبارة عن سالب تلاتة، وهنضرب الأُسس؛ سالب خمسة في أربعة. وده بيساوي سالب تلاتة … سالب خمسة في أربعة، بسالب عشرين.

ومن قوانين الأُسس أيضًا نعرف إن أ أُس سالب م، بيساوي واحد على أ أُس م. وهيبقى سالب تلاتة أُس سالب عشرين، علشان نخلّي الأُس ده موجب، هنخلّي واحد على سالب تلاتة أُس عشرين. ونعرف إن الأُس لمّا بيبقى زوجي، الناتج لازم يكون موجب. الإشارة السالبة دي هتروح. وده هيساوي واحد على … بدل سالب تلاتة، واحد على تلاتة أُس عشرين. وبكده المقدار اللي قيمته هتساوي قيمة سالب تلاتة أُس سالب خمسة الكل أُس أربعة، هو الاختيار ب. واحد على تلاتة أُس عشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.