فيديو: امتحان الجبر والهندسة الفراغية الدور الثاني للعام السابق • ٢٠١٨/٢٠١٧ • السؤال الرابع ب

امتحان الجبر والهندسة الفراغية الدور الثاني للعام السابق • ٢٠١٨/٢٠١٧ • السؤال الرابع ب

٠٢:٣٧

‏نسخة الفيديو النصية

إذا كان واحد زائد عشرة 𝜔 زائد عشرة 𝜔 تربيع، الكل على واحد ناقص تلاتة 𝜔 ناقص تلاتة 𝜔 تربيع، يساوي ك ت الكل تربيع. فأوجد قيمة العدد الحقيقي ك.

واحد زائد 𝜔 زائد 𝜔 تربيع، بيساوي صفر. وبالتالي ممكن نقول إنه 𝜔 زائد 𝜔 تربيع بيساوي سالب واحد. فبالنسبة للبسط، لو أخدنا عشرة كعامل مشترك من الحدين التاني والتالت، فالبسط هيساوي واحد زائد عشرة في، 𝜔 زائد 𝜔 تربيع. فممكن نعوّض عن 𝜔 زائد 𝜔 تربيع بسالب واحد. فالبسط هيساوي واحد زائد عشرة في سالب واحد. يعني هيساوي واحد ناقص عشرة. اللي بيساوي سالب تسعة.

بالنسبة للمقام، هناخد سالب تلاتة عامل مشترك من الحدين التاني والتالت. فالمقام هيساوي واحد ناقص تلاتة في، 𝜔 زائد 𝜔 تربيع. وهنعوّض عن 𝜔 زائد 𝜔 تربيع برضو بسالب واحد. فده هيساوي واحد ناقص تلاتة في سالب واحد. اللي بيساوي واحد زائد تلاتة. اللي بيساوي أربعة. يبقى ممكن نقول سالب تسعة على أربعة، بيساوي ك في ت الكل تربيع.

بتوزيع الأُس اتنين على كلٍّ من ك وَ ت، ممكن نقول إن الطرف الأيسر هيساوي ك تربيع في ت تربيع. وبما إن ت بيساوي الجذر التربيعي لسالب واحد. يعني ت تربيع بيساوي سالب واحد. يبقى ممكن نقول إن سالب واحد في، تسعة على أربعة، بيساوي ك تربيع في سالب واحد. وبقسمة الطرفين على سالب واحد، هيبقى ك تربيع بيساوي تسعة على أربعة. وبِأَخذ الجذر التربيعي للطرفين، هيبقى ك بيساوي الجذر التربيعي لتسعة على أربعة. اللي بيساوي الجذر التربيعي لتلاتة تربيع على اتنين تربيع. يعني هيساوي موجب أو سالب تلاتة على اتنين. يبقى ك هيساوي سالب تلاتة على اتنين، أو تلاتة على اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.