فيديو: مضاعفات العدد الصحيح

أكمل الفراغات بمضاعفين متتاليين للعدد ٥ يحقّقان: _< ٧٢< _.

٠١:٠٩

‏نسخة الفيديو النصية

أكمل الفراغات بمضاعفين متتاليين للعدد خمسة يحقّقان المتباينة: اتنين وسبعين أكبر من عدد ما، وأصغر من عدد آخر.

دلوقتي ممكن نحلّها بإننا نوجد مجموعة مضاعفات العدد خمسة، ونشوف إيه المضاعفين المتتاليين اللي موجود بينهم العدد اتنين وسبعين. فمثلًا أول مضاعف هيبقى جاي من حاصل ضرب خمسة في واحد، اللي هو هيبقى خمسة؛ المضاعف اللي بعده هيبقى جاي من حاصل ضرب خمسة في اتنين، اللي هو عشرة؛ واللي بعده حاصل ضرب خمسة في تلاتة، هيبقى خمستاشر؛ واللي بعده حاصل ضرب أربعة في خمسة، يبقى عشرين؛ واللي بعده حاصل ضرب خمسة في خمسة، يبقى خمسة وعشرين.

ونكمل بنفس الطريقة لغاية ما نوصل لأول مضاعف من المضاعفات اللي عندنا أكبر من اتنين وسبعين، اللي هو خمسة وسبعين؛ أما المضاعف اللي قبله على طول، اللي هو سبعين، فهو ده اللي أصغر من اتنين وسبعين. وبالتالي فالمضاعفين المتتاليين للعدد خمسة، اللي بيحقّقوا المتباينة اللي عندنا، هم سبعين، وخمسة وسبعين؛ لأن اتنين وسبعين أكبر من سبعين وأقل من خمسة وسبعين، وفي نفس الوقت، سبعين وخمسة وسبعين هم مضاعفين متتاليين للعدد خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.