فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال السادس والثلاثون

امتحان الفزياء الدور الثاني للعام السابق • ٢٠١٨/٢٠١٧ • السؤال السادس والثلاثون

٠٢:١٨

‏نسخة الفيديو النصية

وصِّل ملف حث مقاومته الأومية عشرة أوم، بمصدر تيار متردد قوته الدافعة الكهربية عشرة فولت. احسب المفاعلة الحثية للملف عندما تكون شدّة التيار المارّ في الدائرة تمنية من العشرة أمبير.

ففيه ملف حث مقاومته الأومية عشرة أوم؛ يعني كأنه ملف متصل على التوالي بمقاومة صغيرة قيمتها عشرة أوم. ومتصل بمصدر تيار متردد قوته الدافعة الكهربية عشرة فولت؛ يعني القيمة الفاعلة لقوته الدافعة الكهربية بتساوي عشرة فولت. وده بيؤدي لأن التيار اللي ماشي في الدايرة بيبقى تمنية من العشرة أمبير. يعني القيمة الفعالة للتيار بتساوي تمنية من العشرة أمبير.

والمطلوب منّنا نحسب المفاعلة الحثية للملف. فلو استخدمنا قانون أوم لدوائر التيار المتردد، واللي بيقول إن فرق الجهد بيساوي التيار اللي ماشي في الدائرة في المعاوقة الكلية للدايرة. وناخد بالنا إن لو استخدمنا في فرق الجهد القيمة الفعالة، يبقى لازم نستخدم في التيار للقيمة الفعالة. أما لو استخدمنا للقيمة العظمى فلازم نستخدمها في فرق الجهد وفي التيار مع بعض.

وبما إن المعطيات هي القيم الفعالة، فده هيخلينا نستخدم في قانون أوم القيم الفعالة لفرق الجهد والتيار. ونقدر من المعادلة دي نطلّع قيمة المعاوقة الكلية للدايرة، وهتبقى بتساوي القيمة الفعالة لفرق الجهد مقسومة على القيمة الفعالة للتيار. ولما نعوّض بالقيم المعطاة في المسألة، هنلاقي إن المعاوقة الكلية بتساوي عشرة فولت على تمنية من العشرة أمبير. يعني بتساوي اتناشر ونص أوم.

وفي دوائر التيار المتردد، المعاوقة الكلية بتبقى بتساوي الجذر التربيعي لقيمة المقاومة الأومية تربيع، زائد المفاعلة الحثية ناقص المفاعلة السعوية الكل تربيع. وبما إن ما فيش مكثفات في الدايرة؛ فده معناه إن المفاعلة السعوية بِصفر. فنقدر كده نجيب المفاعلة الحثية عن طريق إن إحنا نربع طرفين المعادلة، وده هيخلينا نعرف نختصر التربيع مع الجذر التربيعي، وبعدها هنطرح من الطرفين 𝑅 تربيع. فهنطلع إن 𝑋𝐿 تربيع بتساوي 𝑍 تربيع ناقص 𝑅 تربيع. ولو أخدنا الجذر التربيعي للطرفين هنطلّع قيمة 𝑋𝐿 بالجذر التربيعي لـ 𝑍 تربيع ناقص 𝑅 تربيع.

ولما نعوّض بالقيم هنلاقي إن 𝑋𝐿 بتساوي الجذر التربيعي لاتناشر ونص أوم تربيع ناقص عشرة أوم تربيع. يعني بتساوي سبعة وخمسة من العشرة أوم. وبكده يبقى عرفنا نجيب المفاعلة الحثية للملف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.