فيديو: حل المسائل الكلامية بضرب كسرين في عدد صحيح

في أحد الفصول ٦٠ طالبًا، ٤/٣ منهم أولاد. ٥/٣ من هؤلاء الأولاد عيونهم زرقاء. كم ولدًا عينه ليست زرقاء؟

٠١:٤٦

‏نسخة الفيديو النصية

في أحد الفصول ستين طالبًا. تلاتة على أربعة منهم أولاد. تلاتة على خمسة من هؤلاء الأولاد عيونهم زرقاء. كم ولدًا عينه ليست زرقاء؟

معطى في السؤال إنه عدد الطلاب في الفصل ستين طالبًا، والكسر اللي بيعبّر عن عدد الأولاد هو تلاتة على أربعة. وبكده أقدر أقول إنه عدد الأولاد في الفصل هيساوي تلاتة على أربعة، في العدد الكلي للطلاب اللي هو ستين. يعني هيساوي تلاتة في ستين، على أربعة. يعني هيساوي خمسة وأربعين ولدًا.

معطى كمان في السؤال إنه تلاتة على خمسة من هؤلاء الأولاد، يعني من الخمسة وأربعين ولد، عيونهم زرقاء. وبكده أقدر أقول إنه عدد الأولاد الذين عيونهم زرقاء هيساوي تلاتة على خمسة، في عدد الأولاد اللي هو خمسة وأربعين. يعني هيساوي تلاتة في خمسة وأربعين، على خمسة. يعني هيساوي سبعة وعشرين ولدًا.

مطلوب في السؤال عدد الأولاد اللي عينيهم ليست زرقاء. بما إنه عدد الأولاد الكلي حصلنا عليه في أول خطوة هو خمسة وأربعين، وعدد الأولاد اللي عيونهم زرقاء حصلنا عليه في تاني خطوة اللي هو سبعة وعشرين؛ أقدر أقول إنه عدد الأولاد الذين عيونهم ليست زرقاء هيساوي عدد الأولاد الكلي اللي هو خمسة وأربعين، ناقص عدد الأولاد اللي عيونهم زرقاء اللي هو سبعة وعشرين؛ يعني هيساوي تمنتاشر ولد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.