فيديو: حساب مساحة الشكل المُركَّب الذي يتضمَّن مربعًا ومستطيلًا

اشترى رجل قطعة أرض على شكل مربع محيطه ١٦٨ م. إذا أراد أن يبني عليها منزلًا مساحته ٤٦ م في ٣٨ م، فما المساحة المتبقية للحديقة؟

٠٣:٠٤

‏نسخة الفيديو النصية

اشترى رجل قطعة أرض على شكل مربع محيطه مية تمنية وستين متر. إذا أراد أن يبني عليها منزلًا مساحته ستة وأربعين متر في تمنية وتلاتين متر. فما المساحة المتبقية للحديقة.

بالنسبة لمساحة الحديقة فهي تساوي مساحة الأرض ناقص مساحة المنزل. بالتالي علشان نوجد المساحة المتبقية للحديقة، محتاجين نوجد مساحة الأرض ومساحة المنزل. هنبدأ الأول نوجد مساحة الأرض.

قطعة الأرض اللي عندنا على شكل مربع. ومحيطها يساوي مية تمنية وستين متر. فهنستخدم صيغة محيط المربع علشان نقدر نوجد طول المربع. وصيغة محيط المربع بتوضّح إن محيط المربع يساوي أربعة في طول الضلع. معنى كده إن مية تمنية وستين متر يساوي أربعة في طول الضلع. معنى كده إن إحنا علشان نوجد طول الضلع، هنقسم طرفَي المعادلة على أربعة. فلمّا هنقسم طرفَي المعادلة على أربعة، هيبقى عندنا طول الضلع يساوي مية تمنية وستين متر على أربعة. يعني يساوي اتنين وأربعين متر.

وبكده بعد ما أوجدنا طول ضلع المربع نقدر نستخدم صيغة مساحة المربع؛ علشان نقدر نوجد مساحة المربع اللي بتساوي مساحة قطعة الأرض. وصيغة مساحة المربع بتوضّح إن مساحة المربع تساوي طول الضلع في نفسه. معنى كده إن مساحة المربع تساوي اتنين وأربعين متر في اتنين وأربعين متر. فلمّا هنضرب هنلاقي مساحة المربع تساوي ألف سبعمية أربعة وستين متر مربع. بكده هتبقى مساحة قطعة الأرض هي ألف سبعمية أربعة وستين متر مربع.

بعد كده هنوجد مساحة المنزل. والمنزل هيكون على شكل مستطيل؛ لأن بعديه هُمّ ستة وأربعين متر وتمنية وتلاتين متر. فهنستخدم صيغة مساحة المستطيل؛ علشان نقدر نوجد مساحة المنزل. وصيغة مساحة المستطيل بتوضّح إن مساحة المستطيل تساوي الطول في العرض. ومن خلال المعطيات اللي عندنا هنلاقي إن البُعدين بتوع المستطيل همّ ستة وأربعين متر وتمنية وتلاتين متر. بالتالي مساحة المستطيل تساوي ستة وأربعين متر في تمنية وتلاتين متر. ولمّا هنضرب هنلاقي إن مساحة المستطيل تساوي ألف سبعمية تمنية وأربعين متر مربع. معنى كده إن مساحة المنزل تساوي ألف سبعمية تمنية وأربعين متر مربع.

وبكده بعد ما أوجدنا مساحة الأرض وهي تساوي ألف سبعمية أربعة وستين متر مربع. وكمان أوجدنا مساحة المنزل وهي تساوي ألف سبعمية تمنية وأربعين متر مربع. نقدر نوجد المساحة المتبقية للحديقة. فهتبقى المساحة المتبقية للحديقة تساوي مساحة قطعة الأرض، وهي ألف سبعمية أربعة وستين متر مربع، ناقص مساحة المنزل، وهي ألف سبعمية تمنية وأربعين متر مربع.

يعني المساحة المتبقية للحديقة تساوي ألف سبعمية أربعة وستين متر مربع، ناقص ألف سبعمية تمنية وأربعين متر مربع. ولمّا هنطرح هنلاقي إن المساحة المتبقية للحديقة تساوي ستاشر متر مربع. بكده يبقى إحنا أوجدنا المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.