فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال العشرون ب

امتحان الفزياء الدور الثاني للعام السابق • ٢٠١٨/٢٠١٧ • السؤال العشرون ب

٠١:١١

‏نسخة الفيديو النصية

أشعة الليزر لا تخضع لقانون التربيع العكسي. ما الذي يعنيه ذلك بالنسبة إلى شدّة ضوء الليزر؟

فقانون التربيع العكسي بيقول إن شدّة الضوء في نقطة معينة، بيتناسب عكسيًّا مع مربع المسافة من المصدر. وعلشان كده اسمه: «التربيع العكسي». والقانون ده بيتطبّق على مصادر الضوء العادية. وده لأن أشعتها بتنتشر في كل مكان.

فمثلًا لو بصّينا على مصباح، وأخدنا وحدة مساحة قريبة منه. هنلاقي إن كمية الطاقة الضوئية اللي بتسقط على المساحة القريبة من المصدر. أكبر بكتير من كمية الطاقة اللي بتسقط على نفس وحدة المساحة ولكن لمّا تبقى بعيدة عن المصدر. وده لأن أشعة الضوء بتنتشر في كل الاتجاهات.

أمّا الليزر فالأشعة اللي خارجة منه بتبقى ماشية كلها في اتجاه موحّد. وبالتالي لو أخدنا وحدة مساحة قريبة مِ المصدر أو بعيدة عنه، هتفضل الطاقة اللي بتسقط على وحدة المساحة دي تقريبًا ثابتة. وده السبب اللي بيخلّي الليزر ما يتطبّقش عليه قانون التربيع العكسي.

فيبقى كده معنى إن الليزر لا يخضع لقانون التربيع العكسي بالنسبة لشدة الضوء. إنه أشعة الليزر تحتفظ بشدة ثابتة لوحدة المساحات أثناء السير لمسافات طويلة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.