فيديو: إيجاد الأشكال الثنائية الأبعاد التي تطابق أوجه الأشكال الثلاثية الأبعاد

لوَّنَ شادي جانب مكعبه باللون البرتقالي. طبع المكعب على الورق وصنع مربعًا. لوَّنَ قمة أسطوانته باللون الأزرق. ما الشكل الذي يصنعه بورقته؟ [أ] شكل أ [ب] شكل ب. استخدَمَ شكلًا مختلفًا وصنع مستطيلًا أخضر على الورقة. ما الشكل الذي استخدمه؟ [أ] شكل أ [ب] شكل ب

٠٢:٣٣

‏نسخة الفيديو النصية

لوَّنَ شادي جانب مكعبه باللون البرتقالي. طَبَع المكعب على الورق، وصنع مربعًا. لوَّنَ قمّة أسطوانته باللون الأزرق. ما الشكل الذي يصنعه بورقته؛ شكل أ، أم شكل ب؟

السؤال بيقول لنا إن فيه ولد اسمه شادي، عنده المكعب ده. جه على الوجه بتاعه ده، ولوّنه باللون البرتقالي. بعدين طبعه على الورقة. لمّا حطّ الوجه اللي لوّنه على الورقة، عمل له هنا شكل إيه؟ مربع. يبقى شادي كان معاه مكعب، لوّن وجه من أوجُهه، وطبعه على الورقة؛ فَادّى له مربع. بعدين جاب أسطوانة، ولوّن قمّتها دي باللون الأزرق. لمّا يمسك الأسطوانة، ويطبعها على الورقة. الورقة هيتكوّن عليها أيّ شكل؟ هيتكوّن عليها دايرة، ولّا هيتكون عليها مستطيل؟

قمّة الأسطوانة عندنا هنا على شكل دايرة. وهو ده السطح اللي شادي ملوّنه. فلمّا يضغط بالأسطوانة، ويطبع بيها على الورقة. هينتج لنا شكل الورقة ده؛ الورقة اللي عليها دايرة. وتبقى هي دي الإجابة الصح. وده هو حل أول جزء من السؤال.

نيجي لتاني جزء من السؤال: استخدَمَ شكلًا مختلفًا، وصنع مستطيلًا أخضر على الورقة. ما الشكل الذي استخدمه؛ شكل أ، أو شكل ب؟

تاني جزء بيقول لنا إن هو جاب شكل معيّن. ولوّن وجه من أوجُهه، وطبعه على الورقة. فنتج له الشكل ده؛ المستطيل. عاوزين نعرف بقى، الشكل اللي هو استخدمه، أو المجسّم اللي هو استخدمه، هو أيّ واحد. هو الأسطوانة دي، ولّا متوازي المستطيلات ده.

الأسطوانة عندنا، زيّ ما قلنا في الجزء الأول، الشكل المظلّل فيها على شكل دايرة. فينتج لنا على الورقة دايرة. ولكن هنا نتج على الورقة مستطيل. يبقى هو استخدم متوازي المستطيلات. علشان كل وجه من أوجُهه على شكل مستطيل. ولو جينا نبصّ على الجزء المظلل هنا، هنلاقيه على شكل مستطيل. فتبقى الإجابة الصح هو شكل متوازي المستطيلات، اللي قدامنا ده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.