تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد خواص الأشكال الرباعية الخاصة

أحمد لطفي

اذكر قائمة كل العناصر التي تتقاسم خاصية أن كل ضلعين من أضلاعها المتقابلة متوازيان. [أ] رباعي الأضلاع، المربع، متوازي الأضلاع، المستطيل. [ب] المستطيل، المثلث، المربع، متوازي الأضلاع. [ج] المستطيل، المربع، متوازي الأضلاع، شبه المنحرف. [د] المستطيل، المثلث، متوازي الأضلاع، المعيّن. [ﻫ] المستطيل، المربع، متوازي الأضلاع، المعيّن.

٠٥:٢٧

‏نسخة الفيديو النصية

اذكر قائمة كل العناصر التي تتقاسم خاصية أن كل ضلعين من أضلاعها المتقابلة متوازيان. أول اختيار: إن قائمة العناصر هتكون رباعي الأضلاع، والمربع، ومتوازي الأضلاع، والمستطيل. تاني اختيار: إن قائمة العناصر هتكون المستطيل، والمثلث، والمربع، ومتوازي الأضلاع. تالت اختيار: إن قائمة العناصر هتكون المستطيل، والمربع، ومتوازي الأضلاع، وشبه المنحرف. رابع اختيار: إن قائمة العناصر هتكون المستطيل، والمثلث، ومتوازي الأضلاع، والمعيّن. خامس اختيار: إن قائمة العناصر هتكون المستطيل، والمربع، ومتوازي الأضلاع، والمعيّن.

في البداية، هنرسم جميع الأشكال الهندسية المذكورة في الاختيارات. فهيكونوا … لو عايزين نشوف إيه هي العناصر اللي بيكون فيها خاصية إن كل ضلعين من أضلاعها المتقابلة متوازية. في البداية معنى إن ضلعين بيكونوا متوازيان إن المسافة بينهم دايمًا بتكون ثابتة. يعني المسافة بينهم لا بتقلّ ولا بتزيد. وأيضًا الضلعين المتوازيان لا يمكن يتقابلوا في أيّ نقطة.

وبالتالي لو عايزين نشوف إيه هي الأشكال اللي بتتحقّق فيها الخاصية، أول حاجة عندنا المعيّن. فهنلاحظ إن الضلع ده بيوازي الضلع ده؛ عشان المسافة بين الضلعين ثابتة. وهنلاحظ أيضًا إن الضلع ده هيوازي الضلع ده؛ عشان المسافة بين الضلعين ثابتة. وبالتالي يبقى نقدر نقول: إن في المعيّن بتتحقّق الخاصية.

بالنسبة لتاني شكل، وهو رباعي الأضلاع، هنلاحظ إن المسافة بين الضلع ده والضلع ده هتكون غير ثابتة. يعني لو شُفنا المسافة بين الضلعين هنا، واتحرَّكنا ناحية اليمين، هنلاقي إن المسافة بتزيد. وبالتالي الضلعان هيكونوا غير متوازيان. وأيضًا هنلاحظ إن المسافة بين الضلع ده والضلع ده هتكون غير ثابتة. عشان لو بدأنا هنا واتحرّكنا لفوق، فهنلاحظ إن المسافة بينهم بتقلّ. وبالتالي الضلعان هيكونوا غير متوازيان. وبالتالي نقدر نستنتج إن خاصية إن كل ضلعين من الأضلاع المتقابلة بتكون متوازية لا تتحقَّق في رباعي الأضلاع.

بالنسبة لتالت شكل، وهو المثلث.، فهنلاحظ إن كل ضلعين بيتقابلوا في نقطة. وبما إن من خواصّ إن الضلعين بيكونوا متوازيان إنهم لا يمكن أن يلتقوا في نقطة. وبالتالي في المثلث لا يوجد ضلعان متوازيان. ويبقى خاصية إن كل ضلعين من الأضلاع المتقابلة متوازية هتكون غير متحقِّقة في المثلث.

وبالنسبة لمتوازي الأضلاع، فهنلاحظ إن الضلع ده هيوازي الضلع ده؛ عشان المسافة بينهم ثابتة. وأيضًا هنلاحظ إن الضلع ده هيوازي الضلع ده؛ عشان المسافة بينهم ثابتة. وبالتالي في متوازي الأضلاع بتتحقَّق خاصية إن كل ضلعين من أضلاعه المتقابلة متوازية.

ولو عايزين نشوف بالنسبة للمستطيل، فهنلاحظ إن الضلع ده هيوازي الضلع ده؛ عشان المسافة بينهم هتكون ثابتة. وهنلاحظ أيضًا إن الضلع ده هيوازي الضلع ده؛ عشان أيضًا المسافة بينهم هتكون ثابتة. وبالتالي في المستطيل خاصية إن كل ضلعين من أضلاعه المتقابلة متوازية هتتحقَّق.

الشكل اللي بعده، وهو شبه المنحرف. فهنلاحظ إن الضلع ده والضلع ده متوازيان؛ عشان المسافة بينهم هتكون ثابتة. لكن هنلاحظ إن الضلع ده والضلع ده غير متوازيان؛ عشان المسافة بينهم هتكون غير ثابتة. يعني لو بدأنا من تحت واتحرَّكنا لفوق، هنلاحظ إن المسافة بينهم بتقلّ. وبالتالي هنلاحظ إن في شبه المنحرف عندنا ضلعين فقط متوازيان. ويبقى خاصية إن كل ضلعين من أضلاعه المتقابلة متوازية غير متحقّقة في شبه المنحرف. عشان عندنا ضلعين فقط متوازيان، والضلعين الآخرين غير متوازيان.

وبالنسبة لآخر شكل؛ المربع. فهنلاحظ إن الضلع ده هيوازي الضلع ده؛ عشان المسافات بينهم هتكون متساوية. وهنلاحظ أيضًا إن الضلع ده هيوازي الضلع ده؛ عشان المسافات بينهم هتكون متساوية. وبالتالي في المربع تتحقَّق خاصية إن كل ضلعين من أضلاعه المتقابلة متوازية.

وبالتالي هنجد إن الأشكال اللي بتتحقَّق فيها خاصية إن كل ضلعين من أضلاعها متقابلة ومتوازية هتكون هي: المعيّن، ومتوازي الأضلاع، والمستطيل، والمربع. وبالتالي لو عايزين نكتب قائمة العناصر، فقائمة العناصر هتكون: المستطيل، والمربع، ومتوازي الأضلاع، والمعيّن.