تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة مُعامِل ارتباط شكل انتشار يُمثِّل خطًّا مستقيمًا تامًّا

أحمد مدحت

ما قيمة معامل ارتباط بيرسون‎ لمجموعة البيانات الموضحة؟

٠١:١٣

‏نسخة الفيديو النصية

عندنا في المثال شكل انتشار بيوضّح مجموعة من البيانات، وعايزين نوجد قيمة معامل ارتباط بيرسون لمجموعة البيانات الموضَّحة دي.

علشان نوجد قيمة معامل ارتباط بيرسون لمجموعة البيانات الموضَّحة، هنرجع لشكل الانتشار اللي عندنا؛ فمن الشكل اللي عندنا هنلاحظ إن جميع النقط بتقع على الخط المستقيم، وده بيدل على إن العلاقة بين المتغيرين س وَ ص علاقة خطية. أو ممكن نقول إنها ثابتة أو تامة، وده بيمثل أقوى أنواع الارتباط بين المتغيرين وهو الارتباط التام. وبما إن الارتباط تام فهتبقى قيمة معامل ارتباط بيرسون لمجموعة البيانات اللي عندنا يا إما واحد أو سالب واحد. وقيمة معامل ارتباط بيرسون بتكون واحد لمّا يكون الارتباط طردي تام، وبتكون سالب واحد لمّا يكون الارتباط عكسي تام. فهنحدد إذا كان الارتباط طردي أو عكسي، فلمّا هنرجع للشكل اللي عندنا، هنلاحظ إن كل ما زادت قيمة س زادت قيمة ص؛ ده معناه إن المتغيرين س وَ ص بيتغيروا في نفس الاتجاه. معنى كده إن الارتباط ارتباط طردي، وبما إن الارتباط طردي تام، فهتبقى قيمة معامل ارتباط بيرسون لمجموعة البيانات الموضَّحة عندنا هي واحد.