نسخة الفيديو النصية
ما نوع التحويل الهندسي الموضَّح في الشكل؟
الشكل المظلَّل اللي عندنا ده عبارة عن مثلث. والجزء اللي مرسوم بالخطوط المتقطِّعة ده عبارة عن مثلث آخر متطابق مع المثلث المظلَّل، ومشترك معاه في أحد رؤوسه اللي هي النقطة دي. وشكله زيّ ما قلنا، مطابق للمثلث الأصلي بالظبط. بس كأنه تم تدويره أو لفُّه حوالين نقطة، اللي هي النقطة المشتركة بين الشكلين. وهو ده بالظبط تعريف الدوران.
الدوران هو أحد التحويلات الهندسية، بيتمّ فيه تحريك الشكل عن طريق لفه أو تدويره حول نقطة. فبالتالي نوع التحويل الهندسي الموضَّح في الشكل اللي عندنا هو: الدوران.
