فيديو: التعرُّف على مجموعات من عشرة عناصر تُمثِّل مضاعفات العشرة

نادر معه ٦ علب تحتوي على ١٠ أقلام تلوين في كلِّ علبة. ما العدد الكلي لأقلام التلوين الموجودة معه؟ ما عدد مجموعات العشرات الموجودة معه؟

٠١:٤٢

‏نسخة الفيديو النصية

نادر معه ست علب تحتوي على عشر أقلام تلوين في كل علبة. ما العدد الكلّي لأقلام التلوين الموجودة معه؟ ما عدد مجموعات العشرات الموجودة معه؟

فيه ولد اسمه نادر. معاه ست علب ألوان؛ واحد، اتنين، تلاتة، أربعة، خمسة، ستة. كل علبة فيها عشرة أقلام تلوين. يبقى إيه العدد الكلّي لكل أقلام التلوين اللي مع نادر؟

هو معاه ست علب. الست علب كل علبة فيها عشرة أقلام تلوين. يعني معنى كده إن العدد الكلّي لأقلام التلوين اللي معاه ستة في عشرة. هو ستة في عشرة بكام؟ بستين. فده معناه إن نادر معاه ستين قلم تلوين.

الجزء التاني: ما عدد مجموعات العشرات الموجودة معه؟ مش كل علبة فيها عشر أقلام؟ يعني معنى كده إن كل علبة بتمثّل مجموعة. مجموعة العشرة يعني مجموعة مكوّنة من عشرة. يعني دي مجموعة مكوّنة من عشرة. ودي مجموعة مكوّنة من عشرة. ودي، ودي، ودي، ودي. لأن كل علبة بتُعتبر مجموعة فيها عشر أقلام تلوين.

طيب بيبقى عدد المجموعات بقى اللي عندنا كام؟ مش إحنا قولنا: هو معاه ست علب؟ فده معناه إن هو معاه ست مجموعات. المجموعة فيها عشرة. تبقى الإجابة: ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.