فيديو: تحويل الكسور إلى أعداد عشرية

حوِّل ٢٠/١٦ إلى عدد عشري.

٠١:٣٧

‏نسخة الفيديو النصية

حوّل ستاشر على عشرين إلى عدد عشري.

علشان نحوّل الكسر ستاشر على عشرين لعدد عشري. محتاجين نخلّي المقام بتاع الكسر ده يساوي عشرة، أو مية، أو ألف، وهكذا … فهنكتب الكسر اللي عندنا مرة كمان. والكسر هو ستاشر على عشرين.

بالنسبة للكسر ستاشر على عشرين، هنلاحظ إن إحنا نقدر نخلّي المقام بتاع الكسر يساوي عشرة. من خلال إن إحنا هنقسم المقام، اللي هو عشرين، على اتنين. لكن علشان نحافظ على الكسر زيّ ما هو، هنقسم كلّ من البسط والمقام على اتنين. فهنقسم كلّ من البسط والمقام على اتنين، فهيبقى عندنا ستاشر على عشرين يساوي ستاشر على اتنين، على عشرين على اتنين.

بالنسبة لستاشر على اتنين، فهي تساوي تمنية. أمّا عشرين على اتنين، فيساوي عشرة. معنى كده إن ستاشر على عشرين، يساوي تمنية على عشرة. كده إحنا حوّلنا الكسر ستاشر على عشرين، لكسر مقامه عشرة، وهو تمنية على عشرة.

وبما إن الكسر مقامه عشرة، فإحنا نقدر نكتبه في صورة عدد عشري. وده لأن تمنية على عشرة معناها تمن أجزاء من عشرة. وده معناه إن تمنية على عشرة، يساوي تمنية من عشرة. وده معناه إن الكسر ستاشر على عشرين، في صورة عدد عشري، يساوي تمنية من عشرة.

كده إحنا حوّلنا الكسر ستاشر على عشرين، لعدد عشري، وهو تمنية من عشرة. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.