فيديو: تبسيط المقادير العددية التي تتضمن أعدادًا كسرية

بسّط المقدار التالي: − ٩/٢ ٦ − (− ٩/٤ ٦) + ٩/٨ ١٢.

٠٢:٤١

‏نسخة الفيديو النصية

بسّط المقدار التالي: سالب ستة واتنين على تسعة، ناقص سالب ستة وأربعة على تسعة، زائد اتناشر وتمنية على تسعة.

عندنا تلات أعداد كسرية، ومطلوب إننا نبسّط المقدار ده. أول حاجة هبتدي بأول عددين. وناتج أول عددين هجمعه على العدد التالت. سالب ستة واتنين على تسعة، ناقص سالب ستة وأربعة على تسعة. لأن فيه عملية طرح وجِه بعدها إشارة سالبة؛ إذن عملية الطرح هتتحوّل إلى عملية جمع. فبقى سالب ستة واتنين على تسعة زائد ستة وأربعة على تسعة. هيساوي … هنستفيد من جمع الأعداد الصحيحة في تحديد إشارة الناتج هنا.

هبتدي بالجزء الصحيح؛ سالب ستة زائد ستة، هيساوي صفر. وبكده ما بقاش عندي جزء صحيح. بعد كده هبتدي بالكسر. سالب اتنين على تسعة زائد أربعة على تسعة. هيساوي … أولًا المقام هيفضل زيّ ما هو تسعة، والبسط هيكون سالب اتنين زائد أربعة. يعني هيساوي … سالب اتنين زائد أربعة هيساوي اتنين، والمقام تسعة. يعني ناتج جمع الجزء الأولاني هو اتنين على تسعة.

بعد كده هنجمع الجزء الأولاني على الجزء اللي متبقّي من السؤال. يعني هنجمع اتنين على تسعة زائد اتناشر وتمنية على تسعة. يعني هيساوي اتناشر. وهنجمع البسطين … اتنين زائد تمنية على تسعة. يعني هيساوي اتناشر وعشرة على تسعة. ولأنه الكسر ما ينفعش يكون كسر غير فعلي لأن ده جزء من عدد كسري. إذن هنقسم العشرة على تسعة إلى جزئين؛ تسعة على تسعة زائد واحد على تسعة. التسعة على تسعة عبارة عن واحد صحيح، هضيفه على الجزء الصحيح. يعني الجزء الصحيح بقى اتناشر زائد واحد، يعني تلتاشر. وهيتبقَّى من الكسر واحد على تسعة. يعني هيساوي تلتاشر وواحد على تسعة.

وبكده هنكون بسَّطنا المقدار إلى تلتاشر وواحد على تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.