فيديو: التعبير عن عدد عشري دائري معطًى في صورة عدد نسبي

اكتب ٠٫٧٥ دائري في صورة عدد نسبي في أبسط صورة.

٠١:٣٠

‏نسخة الفيديو النصية

اكتب خمسة وسبعون من مائة دائري، في صورة عدد نسبي، في أبسط صورة.

لمّا بنكتب العدد خمسة وسبعين من مية دائري في الصورة دي، فده معناه إن خمسة وسبعين بيتكرر بشكل لا نهائي على يمين العلامة العشرية. يعني ممكن نكتبه بالصورة دي، وهكذا إلى ما لا نهاية. فلو سمّينا العدد ده س، هتبقى مية س بالصورة دي. وبالتالي هيبقى مية س ناقص س بيساوي العدد التاني ناقص العدد الأول.

وبما إن خمسة وسبعين بتتكرر على يمين العلامة العشرية في العددين، فده معناه إن ممكن نقول إن مية س ناقص س، أو تسعة وتسعين س بتساوي خمسة وسبعين ناقص صفر. يعني طرحنا الجزء اللي على يمين العلامة العشرية في العددين. وخمسة وسبعين ناقص صفر بيساوي خمسة وسبعين.

وبقسمة الطرفين على تسعة وتسعين، هتبقى س بتساوي خمسة وسبعين على تسعة وتسعين. وبقسمة البسط والمقام على تلاتة، هتبقى س بتساوي خمسة وعشرين على تلاتة وتلاتين. وده بيساوي العدد خمسة وسبعين من مية دائري، في صورة عدد نسبي، في أبسط صورة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.