فيديو: حل المسائل الكلامية ذات الأعداد حتى ١٠ بإيجاد القيمة المضافة المجهولة

يلعب ٦ أطفال في أحد الملاعب، وانضمّوا لمجموعة أخرى من الأطفال. بعد ذلك أصبح عددهم ١٠ أطفال في الملعب. كم عدد الأطفال في المجموعة التي انضمّوا إليها؟

٠٢:١٣

‏نسخة الفيديو النصية

يلعب ست أطفال في أحد الملاعب، وانضمّوا لمجموعة أخرى من الأطفال. بعد ذلك أصبح عددهم عشر أطفال في الملعب. كم عدد الأطفال في المجموعة التي انضمّوا إليها؟

عندنا ملعب بيلعب فيه مجموعة من الأطفال عددهم ستة. وفيه مجموعة تانية بتلعب جنبهم، مش عارفين عددهم كام. لمّا المجموعتين انضمّوا لبعض. والأولاد اللي في المجموعة دي، لعبوا مع الأولاد اللي في المجموعة دي. أصبح عددهم كلهم عشرة. يبقى السؤال عندنا: الأولاد اللي في المجموعة دي كان عددهم كام؟

يبقى إحنا هنقول إن الأولاد اللي كانوا بيلعبوا لوحدهم، كان عددهم ستة. بعدين انضمّ ليهم، أو اتجمع عليهم مجموعة فيها عدد معيّن من الأولاد، إحنا مش عارفينه. فبقوا كلهم عددهم عشرة، بعد ما انضمّوا لبعض. نجيب بقى العدد ده إزاي؟

علشان نقدر نحلّ السؤال ده هنطرح. هنطرح عشرة ناقص ستة. والناتج اللي هيطلع، هيبقى هو عدد الأولاد اللي المفروض كان في المجموعة دي. فهنطلّع عشر صوابع على إيدينا، وهنشيل منهم ستة، ونشوف هيتبقّى لنا كام. فهنشطب على ست صوابع: واحد، اتنين، تلاتة، أربعة، خمسة، ستة. اتبقّى لنا بقى كام صباع ما شطبناش عليه؟ واحد، اتنين، تلاتة، أربعة. يبقى النتيجة هي: أربعة. فيبقى ستة زائد أربعة هتساوي عشرة.

يبقى عدد الأطفال في المجموعة التانية، اللي هي المجموعة دي، كان إيه؟ أربعة. علشان لمّا ضمّينا ستة لأربعة، أصبح الناتج عشرة. فتبقى الإجابة الصح، هي: أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.