فيديو: الصورة الناتجة باستخدام عدسات رقيقة

تُستخدَم كاميرا ذات عدسة بُعدها البؤري 100mm في تصوير الشمس. كم يبلغ ارتفاع صورة الشمس عند المستشعر الضوئي للكاميرا؟ استخدم القيمة ‎1.40 × 10^6km لقطر الشمس، والقيمة ‎1.50 × 10^8km للمسافة التي تبعدها الكاميرا عن الشمس.

٠٢:٥٤

‏نسخة الفيديو النصية

تُستخدَم كاميرا ذات عدسة بُعدها البُؤري مية ملليمتر في تصوير الشمس. كم يبلغ ارتفاع صورة الشمس عند المستشعر الضوئي للكاميرا؟ استخدم القيمة واحد وأربعين من المية في عشرة أُس ستة كيلومتر لقطر الشمس. والقيمة واحد وخمسين من المية في عشرة أُس تمنية كيلومتر للمسافة التي تبعدها الكاميرا عن الشمس.

فإحنا عايزين نصوّر الشمس اللي قُطرها بيساوي واحد وأربعة من العشرة في عشرة أُس ستة كيلومتر بكاميرا ليها عدسة بُعدها البُؤري بيساوي مية ملليمتر. والمسافة بينها وما بين الشمس واحد وخمسة من العشرة في عشرة أُس تمنية كيلومتر. والمطلوب منّنا إن إحنا نعرف ارتفاع الشمس اللي هيتكوّن على المستشعر الضوئي جوّه الكاميرا. فهنلاقي إن العلاقة اللي بتربط ما بين ارتفاع الصورة وارتفاع الجسم هي علاقة التكبير. اللي بتقول: إن معامل التكبير بيساوي ارتفاع الصورة مقسوم على ارتفاع الجسم الأصلي. ولكن إحنا مش معانا معامل التكبير. بس هو برضو بيساوي سالب المسافة ما بين العدسة وما بين الصورة، مقسومة على المسافة ما بين العدسة وما بين الجسم الأصلي.

ونقدر من هنا نقول: إن ℎ 𝑖 على ℎ 𝑜 بتساوي سالب 𝑑 𝑖 على 𝑑 𝑜. ولكن إحنا ما زال عندنا الـ 𝑑 𝑖 مش معروفة. فعلشان نجيبها هنستخدم قانون صانع العدسة. اللي بيقول: إن واحد على البُعد البُؤري للعدسة بيساوي واحد على المسافة ما بين العدسة وما بين الجسم الأصلي، زائد واحد على المسافة ما بين العدسة وما بين الصورة. فعلشان نعرف نطلّع المسافة ما بين العدسة وما بين الصورة، هنطرح من طرفين المعادلة واحد على 𝑑 𝑜. فده هيدّينا إن واحد على 𝑑 𝑖 بتساوي واحد على 𝑓 ناقص واحد على 𝑑 𝑜. فلو عملنا لطرفين المعادلة أُس سالب واحد، هنلاقي إن الـ 𝑑 𝑖 طلعت لفوق والطرف اليمين بقى أُس سالب واحد. فنقدر دلوقتي نعوّض بقيمة البُعد البُؤري اللي هي مية ملليمتر، والمسافة ما بين العدسة وما بين الجسم، اللي هي واحد وخمسة من العشرة في عشرة أُس تمنية كيلومتر.

وعلشان نوحّد الوحدات، هنعوّض مكان الملليمتر بعشرة أُس سالب تلاتة متر، ومكان الكيلومتر بعشرة أُس تلاتة متر. فده هيدّينا إن المسافة ما بين الصورة وما بين العدسة بتساوي واحد من العشرة متر. ونقدر دلوقتي نعوّض بيها في المعادلة دي. ولكن بعد ما نضرب طرفين المعادلة في ℎ 𝑜. فده هيطلّع لنا إن ارتفاع الصورة بيساوي سالب 𝑑 𝑖 في ℎ 𝑜 على 𝑑 𝑜. فلمّا نعوّض هنطلّع إن ℎ 𝑖 بتساوي سالب واحد من العشرة متر، في واحد وأربعة من العشرة، في عشرة أُس ستة كيلومتر مقسومة على، واحد وخمسة من العشرة في عشرة أُس تمنية كيلومتر.

نقدر نختصر الكيلومتر مع الكيلومتر، ونلاقي إن ℎ 𝑖 بتساوي سالب تسعمية تلاتة وتلاتين من الألف في عشرة أُس سالب تلاتة متر. والسالب اللي طلع لنا في ارتفاع صورة الشمس ده معناه إن الصورة هتطلع بعد العدسة مقلوبة. وإحنا هنا ممكن نعوّض مكان العشرة أُس سالب تلاتة متر بملليمتر.

وبكده نبقى عرفنا نطلّع ارتفاع صورة الشمس المتكوّنة على المستشعر الضوئي لكاميرا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.