فيديو: إيجاد قيمة مُتغيِّر في مجموعة بيانات باستخدام المنوال

أوجد قيمة ﺃ إذا كان منوال ﺃ + ١، ﺃ + ٣، ﺃ + ٣، ﺃ + ٢ هو ١٢.

٠١:١٠

‏نسخة الفيديو النصية

اوجد قيمة أ إذا كان منوال أ زائد واحد و أ زائد تلاتة و أ زائد تلاتة و أ زائد اتنين هو اتناشر يعني معطى عندنا مجموعة البيانات دي والمطلوب إننا نوجد قيمة أ ومعطى عندنا إن المنوال هو اتناشر وخلينا في الأول نفتكر إن المنوال هو القيمة أو القيم الأكتر تكرارًا في البيانات فلمّا نيجي نشوف مجموعة البيانات اللي عندنا هنلاحظ إن القيمة الأكتر تكرارًا هي أ زائد تلاتة لأن هي المتكرره مرتين في مجموعة البيانات اللي عندنا وبما إن المنوال هو اتناشر فبالتالي هيبقى القيمتين دول قيمتهم اتناشر فمعنى كده انا أ زائد تلاتة يساوي اتناشر وعشان نوجد قيمة أ يبقى هنطرح تلاتة من الطرفين وبطرح تلاتة من طرفَي المعادلة فهتبقى المعادلة هي أ يساوي اتناشر ناقص تلاتة بعد كده هنحسب اتناشر ناقص تلاتة فلمّا نحسبها هتبقى بتساوي تسعة فيبقى عندنا أ يساوي تسعة وبالتالي هتبقى هي دي قيمة أ المطلوب إيجادها في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.