فيديو: إيجاد وسيط مجموعة بيانات تتضمَّن أعدادًا عشرية

أوجد الوسيط للقيم ١٠٫٢، ٦٫٢، ١٢٫٤، ٥٫٦.

٠١:٤٩

‏نسخة الفيديو النصية

أوجد الوسيط للقيم: عشرة واتنين من عشرة، وستة واتنين من عشرة، واتناشر وأربعة من عشرة، وخمسة وستة من عشرة.

يعني عندنا مجموعة من البيانات أو مجموعة من القيم وعايزين نوجد الوسيط ليهم، وفي الأول خلينا نفتكر إن الوسيط هو العدد الأوسط للبيانات المرتّبة من الأصغر إلى الأكبر أو العكس، فأول حاجة هنرتب القيم اللي عندنا من الأصغر للأكبر، فبعد ما رتبناهم هنشوف العدد الأوسط، فهنلاحظ إن ما فيش عدد أوسط؛ لأن القيم عددها زوجي، فالوسيط هو العدد الأوسط للبيانات في حالة إن يكون عددها فردي، لكن لما يكون عدد البيانات زوجيًّا فالوسيط بيبقى الوسط الحسابي للعددين الأوسطين، فمعنى كده إننا هنوجد الوسط الحسابي للعددين الأوسطين، اللي هما ستة واتنين من عشرة وعشرة واتنين من عشرة، فهيبقى هو ده الوسيط، فيبقى الوسيط لمجموعة القيم دي هو الوسط الحسابي للعددين الأوسطين، والوسط الحسابي هو مجموعة القيم على عددها؛ يعني هنجمع ستة واتنين من عشرة زائد عشرة واتنين من عشرة، وهنقسم على عددهم اللي هو اتنين؛ فهنجمع ستة واتنين من عشرة زائد عشرة واتنين من عشرة، واللي هتساوي ستاشر وأربعة من عشرة، وهنكتب المقام اتنين، بعد كده هنقسم ستاشر وأربعة من عشرة على اتنين، فلما نحسبها هتبقى بتساوي تمنية واتنين من عشرة؛ وبالتالي هيبقى الوسيط لمجموعة القيم المعطاة عندنا هو تمنية واتنين من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.