فيديو: تحديد المربعات

أيٌّ من الأشكال التالية مربع؟ [أ] الشكلان ١، ٢. [ب] الأشكال ١، ٣، ٤. [ج] الشكلان ٣، ٤. [د] الشكل ٤ فقط. [ﻫ] الشكلان ٢، ٤.

٠٢:٢٦

‏نسخة الفيديو النصية

أيٌّ من الأشكال التالية مربع؟ أ: الشكلان: واحد، واتنين. ب: الأشكال: واحد، وتلاتة، وأربعة. ج: الشكلان: تلاتة، وأربعة. د: الشكل أربعة فقط. ﻫ: الشكلان: اتنين، وأربعة.

عاوزين نعرف من الصورة اللي قدامنا دي، أيّ الأشكال اللي فيها مربع. تعالوا نشوف شكل شكل. هنيجي عَ الشكل واحد. الشكل واحد شكل رباعي. يعني له أربع أضلاع. والمربع له أربع أضلاع برضو. يبقى احتمال إن هو يكون مربع. بس المربع الأربع أضلاع بتوعه كلّها متساوية. فنقول عليه: إن أضلاعه كلها قدّ بعض. لو جينا نبصّ على الشكل الأول ده، هنلاقي لأة. الضلعين دول بيساووا بعض، والضلعين دول بيساووا بعض. لكن همّ الأربعة مش بيساووا بعض. فيبقى الشكل الأول ده مستطيل مش مربع؛ فنعمل عليه إكس.

نشوف في الشكل اللي بعده. الشكل التاني برضو له أربع أضلاع، وكلها مش متساوية. ده غير كمان إن زواياه مش قائمة. ده لأن المربع كل زاوية من زواياه تساوي تسعين درجة. يبقى برضو الشكل التاني ده مش مربع. كمان هو شبه منحرف.

نيجي للشكل التالت. الشكل التالت له أربع أضلاع. والأربع أضلاع بتوعه كلهم بيساووا بعض. وكمان كل زاوية من زواياه قياسها تسعين درجة. يبقى الشكل التالت ده فعلًا مربع.

نيجي للشكل الرابع. برضو له أربع أضلاع. والأربع أضلاع دول كلهم بيساووا بعض. يعني أضلاعه كلّها متساوية. وكمان كل زاوية من زواياه قياسها تسعين درجة. يبقى الشكل الرابع برضو عبارة عن مربع؛ لأنه انطبق عليه خواصّ المربع. يبقى ده معناه إن الشكل تلاتة والشكل أربعة همّ اللي على شكل مربع.

نيجي نشوفهم في الاختيارات، هنلاقيهم الاختيار ج. اللي هو الشكلان: تلاتة، وأربعة. وتبقى هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.